(ប៉ៃលិន) ថ្លែងនៅរសៀលថ្ងៃទី២៨ ខែធ្នូ ឆ្នាំ២០២២លោកជំទាវ បាន ស្រីមុំ អភិបាលខេត្តប៉ៃលិនបានទទួលយករាល់បញ្ហានិងទុក្ខលំបាករបស់ប្រជាពលរដ្ឋយកមកដោះស្រាយព្រោះរាល់ទុក្ខលំបាកទាំងឡាយរបស់ប្រជាពលរដ្ឋគឺជាកង្វល់របស់ថ្នាក់ដឹកនាំ។
លោកជំទាវថ្លែងដូចនេះនៅក្នុង
វេទិកាផ្សព្វផ្សាយ និងពិព្រោះយោបល់របស់ក្រុមប្រឹក្សាខេត្តប៉ៃលិន អាណត្តិទី៣ សម្រាប់ឆ្នាំ២០២២ នៅស្រុកសាលាក្រៅ ក្រោអធិបតីភាព ឯកឧត្តមប្រធានក្រុមប្រឹក្សាខេត្ត។
ក្នុងវេទិកានេះលោកជំទាវអភិបាលខេត្តប៉ៃលិន បានដោះស្រាយរាល់បញ្ហាជូនដល់ពលរដ្ឋដែលជួបបញ្ហានៅក្នុងមូលដ្ឋានដូចជាទំនាស់ដីធ្លី និងទទួលយកសំណូមពរជួសជុលផ្លូវនៅក្នុងមូលដ្ឋាន ជូនប្រជាពលរដ្ឋដោយឲ្យក្រុមការងារចុះសិក្សាផ្ទាល់តែម្តង។
ក្នុងវេទិការនេះលោកជំទាវក៍បានស្នើឲ្យប្រជាពលរដ្ឋរួមគ្នាថែរក្សាសមិទ្ធផលនានាដែលរដ្ឋបាលខេត្តនិងរដ្ឋាភិបាលសម្រេចបានព្រោះសមិទ្ធផលទាំងនោះគឺបំរើឲ្យប្រជាពលរដ្ឋទូទៅ៕