លោកស្រី ជ្រុន សុភាព នឹងស្វាមី បានរៀបរាប់ប្រាប់សារព័ត៌មានbtb ទាំងទឹកភ្នែកថា ខ្លួនជាអ្នករងគ្រោះបែកក្បាលហូរឈាមដោយសារលោក ជ ប៊ុនណាត និងបក្សពួកវាយធ្វើបាបដោយប្រើដំបងធីបវាយមកលើលោកស្រីយ៉ាងដំណំនៅថ្ងៃទី៣ ខែឧសភា ឆ្នាំ២០២១លោកស្រីបន្តថា មុនឈានដល់ការប្រើអំពើហិង្សារ ប្តីគាត់បានជិះម៉ូតូទៅទិញខ្សែពានម៉ាស៊ីនដេ ហើយជនសង្ស័យក៏អង្គុយផឹកស៊ីនៅក្បែរកន្លែងនោះដែរ ដោយប្តីគាត់ពាក់ម៉ាសហើយគាត់រមាស់ច្រមុះ ហើយគាត់ក៏អេះហើយងាកមក ចៃដន្យងាកចំកន្លែងគេផឹកស៊ី ហើយជនបង្កក៏ស្រែកថា ហែងមើលស្អី? ហើយជនរងគ្រោះក៏តបថា បើហែងមិនមើលអញ អញក៏មិនមើលហែងដែរអញងាកមកចំហែងទេ ប្រហែលគេអ្នកធំមើលបានចុះចំណែកហ្អែងអញមើលមិនបាន ស្រាប់តែនិយាយចប់លោក ជ ប៊ុនណាតក៏ហកមកវាយប្តីលោកស្រីតែម្តង ហើយក៏មានអ្នកជិតខាងគេជួយឃាត់ដើម្បីបំបែកគ្នា ពេលនោះជនបង្កក៏បបួលជនរងគ្រោះវាស់លុយគ្នាថា ហែងមាន២០លានអត់មោះវាស់លុយគ្នា បន្ទាប់មកពួកគេបែកគ្នាទៅផ្ទះវិញ។
ដោយមានអ្នកជិតខាងប្រាប់ថាប្តីរបស់ខ្លួនត្រូវគេវាយ លោកស្រីក៏បានជិះម៉ូតូទៅមើលប្តី ហើយក៏បានជួបប្តីនៅពាក់កណ្តាលផ្លូវខ្លួនក៏ជិះម៉ូតូជាមួយប្តីមកផ្ទះវិញ លុះមកជិតដល់ផ្លូវកែងចូលផ្ទះជនបង្កឈ្មោះ ជ ប៊ុនណាត ក៏យកដំបងធីបមកវាយលោកស្រី បណ្តាលអោយបែកក្បាលហូរឈាមតែម្តង ពេលនោះក៏មានប្អូនប្រុសរបស់ជនបង្កមកវាយប្តីលោកស្រីចំដៃបណ្តាលអោយហើមថែមទៀតផង ។
ក្រោយពេលកើតហេតុលោកស្រី និងស្វាមីបានទៅដាក់ពាក្យបណ្តឹងនៅប៉ុស្ត៍ឃុំកំពង់កុង តែម្តង ក្រោយការសាកសួររបស់មេប៉ុស្ត៍ ជនបង្កបានសារភាពថា ខ្លួនពិតជាបានប្រើអំពើហិង្សារទៅលើលោកស្រី ជ្រុន សុភាព និងស្វាមីពិតប្រាកដមែន។
គួរបញ្ជាក់ផងដែរថា បុគ្គលឈ្មោះ ជ ប៊ុនណាត នឹង បក្សពួក ជាង លី ហ័ង បានបង្ករបួសស្នាម លើស្ត្រីភេទ នឹងស្វាមី រងគ្រោះបែកក្បាលហូរឈាម ទីបំផុតជនបង្កជាប់គុកតែមួយខែ ស្រាប់តែចេញមក ប្តឹងជនរងគ្រោះវិញ ស្ត្រីជនរងគ្រោះបានរៀបរាប់ប្រាប់អង្គភាពBTB ថា ពិតជាអាយុត្តិធម៌ណាស់ បែកក្បាលហូរឈាម គ្មាន សំណងសូម្បីមួយដុល្លារ៌ ហើយជនបង្ករជាប់តែមួយ ចុងក្រោយប្តឹងនាងខ្ញុំទៀត!នាងខ្ញុំពិតជាមិនយល់ពីច្បាប់ទល់តែសោះ?
ទាក់ទងចំពោះរឿងខាងលើនេះ លោកឧត្តមសេនីយ៌ទោជាវ វិបុល អនុប្រធាននាយកដ្ឋានបានប្រាប់ព័ត៌មានយើងតាមទូរសព្ទ័ថា រូបលោកគ្រាន់តែធ្វើតាមពាក្យបណ្តឹងរបស់លោក ជ ប៊ុនណាតតែប៉ុណ្ណោះ ពោលគឺអោយ លោកស្រី ជ្រុន សុភាព នឹង ស្វាមី ឆ្លើយបំភ្លឺទៅ ពាក់ព័ន្ធនឹងពាក្យបណ្ណឹងខាងលើនេះ!