ខេត្តបាត់ដំបង៖ កម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាន ខេត្តបាត់ដំបង សហការណ៍ជាមួយកម្លាំងនគរបាលនៃមន្ទីរប្រឆាំងបទល្មើសគ្រឿងញៀននៃអគ្គស្នងការដ្ឋានគរបាលជាតិ បានបើកកិច្ចប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន០១ករណីនៅភូមិសាស្ត្រស្រុកកំរៀងក្នុងបទល្មេីសជាក់ស្តែង។
លោកវរសេនីយ៍ឯក សុខ និមល ប្រធានការិយាល័យនគរបាលប្រឆាំងគ្រឿងញៀនបានអោយដឹងថា ក្នុងកិច្ចចុះប្រតិបត្តិការខាងលើធ្វើឡើងនៅវេលាម៉ោង ១៣ និង០០នាទី ថ្ងៃទី០៥ ខែ ឧសភា ឆ្នាំ២០២១ នៅចំណុចក្រុមទី០៤ ភូមិស្រះទឹកថ្មី ឃុំតាក្រី ស្រុកកំរៀង ខេត្តបាត់ដំបង ។
ជាមួយកិច្ចប្រតិបត្តិការនេះដែរ សមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់ រួមមាន!
១-ឈ្មោះ ឡេង សម្បត្តិ ហៅ វេងខ្លី ភេទប្រុស អាយុ៣៧ឆ្នាំ មានទីលំនៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង
២-ឈ្មោះ គយ រដ្ឋា ហៅ ពយ ភេទប្រុស អាយុ ៣១ឆ្នាំ មានទីលំនៅភូមិដូង ឃុំបឹងរាំង ស្រុកកំ រៀង ខេត្តបាត់ដំបង ។
-វត្ថុតាងដកហូតបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE )ចំនួន០៣កញ្ចប់ មានទម្ងន់ ២៩៨៩,៣៤ក្រាម (ថ្នាំសុទ្ធ)
-ថ្នាំញៀនប្រភេទមេតំហ្វេតាមីន(យ៉ាម៉ាWY)ចំនួន ១០០៦គ្រាប់មានទម្ងន់៨៧,៣២ក្រាម
-ថ្នាំញៀនប្រភេទ(អ៊ិចស្តាស៊ី MDMA )ចំនួន ១៤៩ គ្រាប់ មានទម្ងន់ ៥១,៦២ក្រាម
-ថ្នាំញៀនប្រភេទ(កេតាមីន KETTAMIN )ចំនួន ២០គ្រាប់មានទម្ងន់ ៣,៩២ក្រាម ដែលថ្នាំញៀនទាំងអស់សរុបទម្ងន់ ៣១៣២,២០ក្រាម (ថ្នាំសុទ្ធ)
- រថយន្តចំនួន ០១គ្រឿង ម៉ាកបាឡែន ពណ៌ស្ករ សេរីឆ្នាំ២០០២ ពាក់ស្លាកលេខ បាត់ដំបង 2A- 8837 ។
ក្រោយពេលបង្ក្រាបឃាត់ខ្លួនបាន ជនសង្ស័យរួមជាមួយវត្ថុតាងរហូតមកដល់ពេលនេះត្រូវបានសមត្ថកិច្ចនគរបាលការិយាល័យជំនាញកំពុងធ្វើការស្រាវជ្រាវ និងរៀបចំបញ្ជូនទៅសាលាដំបូងខេត្តបាត់ដំបងដើម្បីចាត់ការតាមផ្លូវច្បាប់៕
