ខេត្តបាត់ដំបង! កម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលគារ នៃអធិការដ្ឋាននគរបាលស្រុកមោងឬស្សី បានចុះធ្វើការបង្ក្រាបករណីរក្សាទុកដោយខុសច្បាប់នូវសារធាតុញៀនមួយករណីក្នុងបទល្មើសជាក់ស្តែង។
លោកវរសេនីយ៍ឯក សុខ និមល ប្រធានការិយាល័យនគរបាលប្រឆាំងគ្រឿងញៀនបានអោយដឹងថា នៅក្នុងកិច្ចចុះប្រតិបត្តិការខាងលើធ្វើឡើងនៅវេលាម៉ោង ១០និង៥០នាទី ថ្ងៃទី០១ ខែកុម្ភៈ ឆ្នាំ២០២១ នៅចំណុចក្រុមទី៨ ភូមិពោធិ៍២ ឃុំគារ ស្រុកមោងឫស្សី ខេត្តបាត់ដំបង ។
ជាមួយគ្នាទៅនឹងកិច្ចប្រតិបត្តិការនេះដែរសមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យចំនួន០១នាក់ឈ្មោះ បន ប៊ុន ហៅ គូបភេទប្រុស អាយុ ២៧ឆ្នាំ មានទីលំនៅក្នុងភូមិពោធិ៍ ឃុំគារ ស្រុកមោងឫស្សី ខេត្តបាត់ដំបង រួមជាមួយវត្ថុតាងចាប់យកបានរួមមាន៖
-ថ្មាំញៀនប្រភេទមេតំហ្វេតាមីន(ម៉ាទឹកកកICE)ចំនួន ១០កូនថង់ ទម្ងន់ ១,៧៦ក្រាម
-ទូរស័ព្ទដៃចំនួន ០២គ្រឿង -ការបូបដាក់លុយចំនួន០១ និងប្រាក់ខ្មែរចំនួន ២០០០០រៀលផងដែរ។
ជនសង្ស័យក្រោយពីឃាត់ខ្លួនយកមកសាកសួរ រួមជាមួយវត្ថុតាងផងនោះ រហូតមកដល់ពេលនេះត្រូវបានសមត្ថកិច្ចការិយាល័យជំនាញកំពុងរៀបចំសំណុំរឿងបញ្ជូនទៅកាន់តុលាការដើម្បីចាត់ការតាមនីតីវិធី។