ខេត្តបាត់ដំបង! ជនសង្ស័យចំនួន០៣បន្ថែមទៀតត្រូវបានកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសង្កែនិងកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកបវេល បង្ក្រាបឃាត់ខ្លួនពីបទរក្សាទុកដោយខុសច្បាប់នូវសារធាតុញៀនពីរករណីផ្សេងគ្នា។
លោកវរសេនីយ៍ឯក សុខ និមល ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបាត់ដំបងបានអោយដឹងថា នៅក្នុងកិច្ចចុះប្រតិបត្តិការខាងលើនេះដែរករណីទី១ ធ្វើឡើងជាបន្តបន្ទាប់ដោយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសង្កែ នៅរសៀលថ្ងៃទី២៧ ខែមករា ឆ្នាំ២០២១ នៅចំណុចភូមិបឹងវែង និងភូមិក្បាលថ្នល់ ស្ថិតក្នុងស្រុកសង្កែ ខេត្តបាត់ដំបង។
ជាមួយកិច្ចប្រតិបត្តិការខាងលើនេះដែរសមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់រួមមាន៖
១-ឈ្មោះ ណារិន នរ:សិដ្ឋ ហៅ ធី ភេទប្រុស អាយុ២១ឆ្នាំ រស់នៅភូមិបឹងវែង ឃុំរាំងកេសី ស្រុកសង្កែ
២-ឈ្មោះ ហឿប បូរី ភេទប្រុស អាយុ២៦ឆ្នាំ រស់នៅភូមិក្បាលថ្នល់ ឃុំកំពង់ព្រៀង ស្រុកសង្កែ ខេត្តបាត់ដំបង ជាមួយវត្ថុតាងមាន៖
-ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន០៨ថង់ទម្ងន់ ៩,៦៥ក្រាម -ទូរស័ព្ទដៃចំនួន២គ្រឿង -ជញ្ជីងសម្រាប់ថ្លឹងថ្នាំញៀនចំនួន១គ្រឿង និងម៉ូតូកែច្នៃចំនួន១គ្រឿង។
ករណីទី២ ធ្វើឡើងដោយកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកបវេល នៅវេលាម៉ោង ០៣និង៣០នាទី ទៀបភ្លឺថ្ងៃទី២៧ ខែមករា ឆ្នាំ២០២១
នៅចំណុចភូមិព្រៃសង្ហា ឃុំខ្នាចរមាស ស្រុកបវេល ដោយបានឃាត់ខ្លួនជនសង្ស័យចំនួន១នាក់ ឈ្មោះ យស កុសល ភេទប្រុស អាយុ៣០ឆ្នាំ មានទីលំនៅភូមិព្រៃសង្ហា ឃុំខ្នាចរមាស ស្រុកបវេល ខេត្តបាត់ដំបង ជាមួយវត្ថុតាង -ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន០៤ថង់ទម្ងន់ ១,០០ក្រាម រួមជាមួយម៉ូតូចំនួន១គ្រឿងផងដែរ។
ក្រោយធ្វើការឃាត់ខ្លួនជនសង្ស័យរួមនឹងវត្ថុតាង រហូតមកដល់ថ្ងៃនេះត្រូវបានសមត្ថកិច្ចការិយាល័យជំនាញកសាងសំណុំរឿងដើម្បីបញ្ជូនទៅតុលាការចាត់ការបន្តតាមផ្លូវច្បាប់៕