បាត់ដំបង ៖នៅល្ងាចថ្ងៃទី២៧ ខែមករា ឆ្នាំ២០២១ កម្លាំងនគរបាលផ្នែកយុត្តិធម៌នៃអធិការដ្ឋាននគរបាលស្រុកមោងឫស្សី បានចុះបង្ក្រាបករណីលេងល្បែងស៊ីសង(បៀរនិងឆ្នោត)ខុសច្បាប់១លើក នៅចំណុចភូមិមោងឃុំមោងស្រុកមោងឫស្សី ដោយឃាត់ខ្លួនអ្នកលេងចំនួន៤នាក់និងដកហូតវត្ថុតាងមួយចំនួន។
លោក ស គឹមឡុងអធិការនគរបាលស្រុកមោងឬស្សីបានឲ្យដឹងថាជនសង្ស័យទាំង៤នាក់មាន១.ឈ្មោះ ប៉ុល គឹមហេងភេទស្រីអាយុ២៣ឆ្នាំនៅភូមិកន្សៃបន្ទាយ ឃុំមោងស្រុកមោងឫស្សី (មេឆ្នោត) ។ ២.ឈ្មោះឡុង ញឿនភេទស្រីអាយុ៥៣ឆ្នាំនៅភូមិមោងឃុំមោង ស្រុកមោងឫស្សី (លេងបៀរ) ។ ៣.ឈ្មោះ ប៊ុន សុផាន ភេទប្រុស អាយុ៥៦ឆ្នាំ មានទីលំនៅភូមិកន្សៃបន្ទាយ ឃុំមោង ស្រុកមោងឫស្សី (លេងបៀរ)និង៤.ឈ្មោះរ៉យ ផានភេទស្រី អាយុ៥១ឆ្នាំ និងដកហូតវត្ថុតាងមួយចំនួនមានទីលំនៅភូមិសួស្តី ឃុំតាលាស់ ស្រុកមោងឫស្សី (លេងបៀរ)។
ចំណែកឯវត្ថុតាងដែលប្រមូលយកបានរួមមាន ៖ សៀវភៅកត់កន្ទុយលេខចំនួន០២ក្បាល ប៊ិចចំនួន ០២ដើម បៀរចំនួន ០២ហ៊ួ កម្រាលចំនួន ០២ និងកៅអីជ័រចំនួន ០៤ ។
បច្ចុប្បន្នករណីនេះ អ្នកប្រព្រឹត្តិល្បែងស៊ីសងខុសច្បាប់ទាំង៤នាក់ខាងលើត្រូវបានសមត្ថកិច្ចធ្វើការអប់រំណែនាំ និងធ្វើកិច្ចសន្យា រួចឲ្យត្រឡប់ទៅលំនៅដ្ឋានរៀងៗខ្លួនវិញ ៕