ខេត្តបាត់ដំបង! កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកថ្មគោលនិងកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកឯកភ្នំ បានចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនពីរករណីផ្សេងគ្នា។
លោកវរសេនីយ៍ឯក សុខ និមល ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបាត់ដំបងបានអោយដឹងថា នៅក្នុងកិច្ចចុះប្រតិបត្តិការខាងលើនេះដែរករណីទី១ ធ្វើឡើងដោយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកថ្មគោល នៅវេលាម៉ោង ១៧និង០០នាទី ថ្ងៃទី២៥ ខែមករា ឆ្នាំ២០២១ នៅចំណុចភូមិអង់ត្បូង ឃុំតាពូង ស្រុកថ្មគោល ខេត្តបាត់ដំបង។
ជាមួយកិច្ចប្រតិបត្តិការខាងលើនេះដែរសមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់រួមមាន៖
១-ឈ្មោះ រ៉ន សុក ហៅ ហុងភេទប្រុស អាយុ១៩ឆ្នាំ រស់នៅភូមិអង់ត្បូង ឃុំតាពូង ស្រុកថ្មគោល
២-ឈ្មោះ សួស សាន់ ភេទប្រុស អាយុ១៨ឆ្នាំ រស់នៅភូមិទំពូងជើង ឃុំតាពូង ស្រុកថ្មគោល ខេត្តបាត់ដំបង ជាមួយវត្ថុតាងមាន៖
-ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន០៤ថង់ទម្ងន់ ០,៥០ក្រាម និងទូរស័ព្ទដៃចំនួន១គ្រឿង។
ករណីទី២ ធ្វើឡើងដោយកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកឯកភ្នំ នៅវេលាម៉ោង ១៦និង៣០នាទី ថ្ងៃទី២៥ ខែមករា ឆ្នាំ២០២១
នៅចំណុចភូមិព្រែកក្រូច ឃុំព្រែកនរិន្ទ ស្រុកឯកភ្នំ។ ដោយបានឃាត់ខ្លួនជនសង្ស័យចំនួន១នាក់ ឈ្មោះ ជាល សៅ ភេទប្រុស អាយុ៣៥ឆ្នាំ មានទីលំនៅភូមិស្វាយជ្រុំ ឃុំព្រែកនរិន្ទ ស្រុកឯកភ្នំ ខេត្តបាត់ដំបង ជាមួយវត្ថុតាង -ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន០២ថង់ទម្ងន់ ០,៥១ក្រាម។
ក្រោយធ្វើការឃាត់ខ្លួនជនសង្ស័យរួមនឹងវត្ថុតាង រហូតមកដល់ថ្ងៃនេះត្រូវបានសមត្ថកិច្ចការិយាល័យជំនាញកសាងសំណុំរឿងដើម្បីបញ្ជូនទៅតុលាការចាត់ការបន្តតាមផ្លូវច្បាប់៕