សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងថា ប្រទេសកម្ពុជានៅតែអាចបន្តដំណើរទៅមុខ ប្រកបដោយមោទនភាពខ្ពស់ ទោះបីកំពុងប្រឈមដោយសារជំងឺកូវីដ-១៩ និងការរំខានពីសំណាក់ក្រុមជ្រុលនិយមមួយក្តាប់តូចក៏ដោយ។
សម្ដេចពិជ័យសេនា ទៀ បាញ់ បានសរសេរនៅលើទំព័រហ្វេសប៊ុកផ្លូវការ នាព្រឹកថ្ងៃទី១៥ ខែមករា ឆ្នាំ២០២១នេះថា «ក្រោមការដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាវាកម្ពុជានៅតែអាចបន្តដំណើរទៅមុខប្រកបដោយមោទនភាពខ្ពស់ បើទោះជាយើងបាននឹងកំពុងប្រឈមជាមួយ ការគំរាមកំហែងពីមេរោគកូវីដ-១៩ និងការរំខានពីសំណាក់ក្រុមជ្រុលនិយមមួយក្តាប់តូចនោះ«។
សម្ដេចរដ្ឋមន្ត្រីក្រសួងការពារជាតិ បានលើកឡើងទៀតថា ១កម្ពុជានៅតែអាចរក្សាបានយ៉ាងល្អនូវ ស្ថិរភាពនយោបាយ សន្តិសុខ និងសណ្តាប់ធ្នាប់សង្គម ដែលជាមូលដ្ឋានគ្រឹះយ៉ាងសំខាន់ សម្រាប់ជំរុញរាល់ការអភិវឌ្ឍនានា»៕
