ព្រះសីហនុ៖ យ៉ាងហោចណាស់មនុស្សម្នាក់បានរងរបួសធ្ងន់( បាក់ជើង) បន្ទាប់ពីរថយន្តធំចំនួន 2 គ្រឿងបើកបញ្ច្រាសទិសគ្នាបុកពេញទំហឹង កាលពីវេលាម៉ោង 9 និង 00 នាទីព្រឹកថ្ងៃទី 12 ខែវិច្ឆិកាឆ្នាំ 2020។
យោងតាមប្រភពពីលោកអធិការនគរបាលស្រុកកំពង់សិលា បានអោយដឹងថា នៅវេលាម៉ោង8 និង50នាទីថ្ងៃទី12 ខែវិច្ឆិកា ឆ្នាំ2020 ចន្លោះkm 136-137 ក្នុងភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ ដោយមានរថយន្តមួយគ្រឿងម៉ាក Hyundai Libero ពណ៍ លឿង ពាក់ស្លាកលេខភ្នំពេញ 2BG 1527 បើកបរដោយឈ្មោះ អុក ធាវ៉េត ភេទប្រុស អាយុ ឆ្នាំ ទីលំនៅភូមិ ឃុំ ស្រុក ខេត្ត មុខរបរបើកបរក្រុមហ៊ុនវីរះប៊ុនថាំ បើកក្នុងទិសដៅពីភ្នុំពេញឆ្ពោះទៅខេត្តព្រះសីហនុ លុះមកដល់ចំនុចផ្លូវកោង រថយន្តបានបើកចូលផ្លូវខាងឆ្វេង រួចបុកនិងរថយន្តមួយគ្រឿងម៉ាកHYUNDIA ពណ៍ ស ពាក់ផ្លាកលេខ ព្រះសីហនុ 3A 6958 ក្នុង ទិសដៅ ផ្ទុយគ្នា ។
ហេតុ ការណ៍ នេះ បណ្ដាល ឲ្យ ភាគីអ្នកបើកបររថយន្ត Hyundai Liberoa ឈ្មោះ អុក ធាវ៉េត រងរបួសធ្ងន់ បាក់ជើងទាំងពីរ។
បច្ចុប្បន្នអ្នកអ្នករងរបួសត្រូវបានរថយន្តសង្គ្រោះដឹកទៅមន្ទីពេទ្យ ។
ចំពោះ អ្នកបើកបរយន្តHYUNDIAក្រោយពេលកើតហេតុរត់គេចខ្លួនបាត់។ វត្ថុតាង រថយន្តទាំងពីរត្រូវបានយកមករក្សាទុកនៅអធិការដ្ឋាននគរបាលស្រុក។
