ក្រុងព្រះសីហនុ នៅព្រឹកថ្ងៃទី១៥.១០.២០២០ ឯកឧត្តម គួច ចំរើន អភិបាលខេត្តព្រះសីហនុ ដឹកនាំមន្ត្រីចុះពិនិត្យដោះស្រាយ រំដោះទឹកដែលលិចទីធ្លាសាលារៀន សាគូរ៉ា ទំនប់រលក ក្រុងព្រះសីហនុ ដែលកើតមានរាល់ពេលមានភ្លៀងម្តងៗ។
ឯកឧត្តមអភិបាលខេត្តព្រះសីហនុមានប្រសាសន៍ថា បើទោះជាក្រុងព្រះសីហនុបច្ចុប្បន្នមិនមានជំនន់ទឹកភ្លៀងក្នុងស្ថានភាពធ្ងន់ធ្ងរយ៉ាងណាក្តី ប៉ុន្តែរដ្ឋបាលខេត្តនឹងបន្តចុះគ្រប់ទីកន្លែងដើម្បីដោះស្រាយករណីចាំបាច់ តាមកន្លែងដែលមានទឹកលិច និងអំពាវនាវឲ្យពលរដ្ឋចូលរួមសហការបន្ត តាមគោលការណ៍របស់រដ្ឋបាលខេត្តក្នុងការ ស្តារអូរប្រឡាយ បើកផ្លូវទឹក៕