ប្រទេសចិន និងឥណ្ឌា បានចោទគ្នាទៅវិញទៅមក ជុំវិញការបាញ់ជាច្រើនគ្រាប់ឆ្លងព្រំដែនហិមាល័យ ជាកន្លែងផ្ទុះជម្លោះដោយបានបង្កើតឲ្យមានភាពមិនចាញ់មិនឈ្នះរវាងប្រទេសជិតខាងប្រដាប់ដោយអាវុធ ដែលបានបណ្តាលឲ្យមនុស្សយ៉ាងតិច ២០ នាក់។
ប្រទេសចិន បាននិយាយថា ទាហានរបស់ខ្លួនបានចាត់វិធានការប្រឆាំងក្រោយពីទាហានឥណ្ឌាបានបើកការបាញ់ប្រហារ នៅក្នុងតំបន់ភ្នំដែលមានជម្លោះក្នុងតំបន់ឡាដាក់ហ៍។
យោងតាមក្រសួងការពារជាតិរបស់ចិនបានឲ្យដឹងថា ប្រទេសឥណ្ឌា មានកំហុសពីបទបង្កហេតុយោធាយ៉ាងធ្ងន់ធ្ងរកាលពីថ្ងៃចន្ទ ក្រោយពីទាហានរបស់ខ្លួន បានឆ្លងខ្សែបន្ទាត់នៃការគ្រប់គ្រងជាក់ស្តែងនៅក្នុងតំបន់ព្រំដែនឡាដាក់ហ៍ភាគខាងលិច និងបានបើកការបាញ់ប្រហារ។
ក្រុងញូវដែលីបានផ្តល់ដំណើររឿងផ្ទាល់ខ្លួន ដោយបានចោទប្រកាន់់កងកម្លាំងព្រំដែនចិនពីបទរំលោភកិច្ចព្រមព្រៀងយ៉ាងច្បាស់ក្រឡែត និងបានបាញ់គំរាមជាច្រើនគ្រាប់ ដើម្បីបំភិតបំភ័យគូសត្រូវឥណ្ឌារបស់ពួកគេ។
កងទ័ពឥណ្ឌាបានថ្លែងក្នុងសេចក្តីថ្លែងការណ៍មួយថា៖ ទោះបីជាមានការបង្កហេតុយ៉ាងធ្ងន់ធ្ងរក្តី ក៏ទាហានរបស់យើងបានធ្វើការអត់ធ្មត់ជាទីបំផុត និងប្រព្រឹត្តក្នុងលក្ខណៈមានការទទួលខុសត្រូវ និងមានហេតុផលត្រឹមត្រូវ៕
