ស្របពេលដែលរដូវរងារជិតចូលមកដល់ ប្រជាជន ពិសេសពលរដ្ឋវ័យចំណាស់ រស់នៅក្នុងទីក្រុងប៉េកាំង បានសម្រុកទៅទិញស្ពៃបូកគោ យកមកស្តុកទុក ខណៈដែលលរដ្ឋាភិបាល បានណែនាំឱ្យរក្សាទំនិញជាមូលដ្ឋាន ក្នុងករណីមានអាសន្ន។ នេះបើតាមការចុះផ្សាយដោយសារព័ត៌មាន CNA កាលពីថ្ងៃទី០៨ ខែវិច្ឆិកា ឆ្នាំ២០២១។
បើតាមសេចក្តីជូនដំណឹងរបស់រដ្ឋាភិបាល បានណែនាំដល់ប្រជាពលរដ្ឋស្តុកទុករបស់របរប្រើប្រាស់ប្រចាំថ្ងៃ ខណៈការព្យាករណ៍ បានបញ្ជាក់ថា ការធ្លាក់ព្រិលនៅក្នុងឆ្នាំនេះ នឹងមកដល់លឿនជាងឆ្នាំមុន។
មនុស្សជាច្រើនបានឈរតម្រង់ជួរតាមទីផ្សារ ដើម្បីទិញស្ពៃបូកគោធំៗ ព្រោះបន្លែប្រភេទនេះអាចរក្សាទុកជាច្រើនខែ នឹងមានការពេញនិយមទទួលទានសម្រាប់ប្រជាជនចិន៕