នាថ្ងៃចន្ទទី១៥ ខែមីនា នៅក្នុងប្រទេសចិនក្រុងប៉េកាំងកំពុងគ្របដណ្តប់ដោយព្យុះខ្សាច់និងខ្យល់ពុលយ៉ាងក្រាស់ឃ្មឹក។
ព្យុះខ្សាច់បូកនឹងខ្យល់ពុលបានធ្វើឲ្យខ្យល់ក្នុងក្រុងប៉េកាំងមានគុណភាពអាក្រក់ខ្លាំងដែលនាំឲ្យប៉ះពាល់ដល់សុខភាពនិងបានកាត់បន្ធយនូវភាពអាចមើលឃើញជាច្រើនរយម៉ែត្រ។ព្យុះខ្សាច់ដែលបក់មកពីតំបន់ស្ថិតក្បែរវាលខ្សាច់ហ្កូប៊ីឧស្សហ៍កើតមាននានិទាឃរដូវនៅប៉ែកខាងជើងប្រទេស។
ទន្ទឹមនឹងគុណភាពខ្យល់អាក្រក់ខ្លាំងនៅក្នុងបរិយាកាស ផលរំខានមួយទៀតដែលកើតចេញពីព្យុះខ្សាច់និងខ្យល់ពុលបូកបញ្ចូលគ្នាពេលនេះគឺភាពមិនអាចមើលឃើញក្នុងចម្ងាយរហូតដល់ទៅរាប់រយម៉ែត្រឯណោះពិសេសកំពូលអគារខ្ពស់ៗ។
អ្នកជំនាញខាងឧតុនិយមពិពណ៌នាថានេះជាព្យុះខ្សាច់ធំជាងគេក្នុងរយៈពេល១០ឆ្នាំកន្លងមកនេះ។ទីភ្នាក់ងារឧតុនិយមចិនបានប្រកាសការជូនដំណឹងនៅព្រឹកនេះពណ៌លឿងដោយកត់សម្គាល់ថាព្យុះខ្សាច់នេះបានផ្លាស់ប្តូរពីអ៊ីនហ្គោនម៉ុងហ្គោលីទៅហ្គន់ស៊ូខេត្តសានស៊ីនិងខេត្តហឺប៉ីដែលព័ទ្ធជុំវិញទីក្រុងប៉េកាំង?