គិតក្នុងរយៈពេល៥ខែ ឆ្នាំ២០២០ នេះ ការនាំចេញកង់ពីកម្ពុជា ទៅទីផ្សារអន្តរជាតិ មានតម្លៃជិត ២០០លានដុល្លារ កើនឡើង ២៦ភាគរយ ធៀបនឹងរយៈពេលដូចគ្នា កាលពីឆ្នាំ២០១៩។
យោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា បានចេញផ្សាយថា ចាប់ពីខែមករា ដល់ខែឧសភា ឆ្នាំ២០២០ កម្ពុជាបាននាំចេញកង់ទៅកាន់ទីផ្សារអន្តរជាតិ មានចំនួនសរុប ៨៧៦ ៦១២ គ្រឿង។
គេហទំព័រ Bike-EU.com បានបង្ហាញថា កម្ពុជាក្លាយជាប្រទេសផ្គត់ផ្គង់កង់ឈានមុខគេទៅទីផ្សារអឺរ៉ុបចាប់តាំងពីឆ្នាំ ២០១៧ ដោយបានវ៉ាដាច់កោះតៃវ៉ាន់ដែលកាន់តំណែងនេះក្នុងរយៈពេលជាង ២ ទសវត្សរ៍៕
