សារព័ត៌មានស៊ីនហួរ នាព្រឹកថ្ងៃទី១៧ ខែមិថុនា នេះ បានចេញផ្សាយថា កូរ៉េខាងជើងនឹងបញ្ជូនកងទ័ពទៅតំបន់សេដ្ឋកិច្ច Kaesong និងភ្នំKumgang ស្ថិតនៅក្បែរព្រំដែនកូរ៉េខាងត្បូង ក្រោយកម្តៅការទូតរវាងប្រទេសទាំង២ បានផ្ទុះឡើងជាថ្មី។
តាមការអះអាងដោយអ្នកនាំពាក្យយោធាកូរ៉េខាងជើង ថ្លែងប្រាប់សារព័ត៌មានរដ្ឋរបស់ខ្លួន KCNA ថា កងទ័ពកូរ៉េខាងជើង កំពុងបង្ហាញជំហរមុតមាំក្នុងការបញ្ចេញសកម្មភាពយោធា ដើម្បីឆ្លើយតបទៅតាមដំណោះស្រាយរវាងបក្ស និងរដ្ឋាភិបាល។
គួរបញ្ជាក់ថា ការគំរាមបញ្ចូនកម្លាំងយោធា ទៅកាន់តំបន់ខាងលើ ធ្វើឡើងបន្ទាប់ពីមានប្រជាជនជាតិកូរ៉េខាងជើង បានរត់ទៅរស់នៅក្នុងទឹកដីកូរ៉េខាងត្បូង និងបានបង្ហោះខិត្តប័ណ្ណប្រឆាំងរបបដឹកនាំទីក្រុងព្យុង យ៉ាងឥតឈប់ឈរ៕
កែសម្រួលដោយ៖ ZaRet
