(បន្ទាយមានជ័យ)÷ ជម្ងឺកូវីដ១៩ កំពុងវាយលុកចូលភូមិត្រពាំងថ្មកណ្តាល ឃុំប៉ោយចារ ស្រុកភ្នំស្រុក ដែលជាការផ្ទុះទ្រង់ទ្រាយធំ លើកដំបូងនៅតំបន់ដាច់ស្រយាលភាគឦសានខេត្តបន្ទាយមានជ័យ មួយនេះ។
លោក ជូ បុត្រ អភិបាលស្រុកភ្នំស្រុក បានប្រាប់នាថ្ងៃទី១៦ ខែកញ្ញា ឆ្នាំ២០២១ ថា ការយកសំណាកលើពលរដ្ឋអ្នកពាក់ព័ន្ធ ក្នុងភូមិត្រពាំងថ្មកណ្តាល ឃុំប៉ោយចារ នឹងកើនដល់ជាង៥០០នាក់ ហើយ នាព្រឹក និងរសៀលនេះ នៅបន្តយកសំណាកជាង២០០ នាក់ទៀតក្រុមគ្រូពេទ្យជួរមុខនៃមន្ទីរពេទ្យបង្អែកភ្នំស្រុក និងមណ្ឌលសុខភាព ប៉ោយចារ បានយកសំណាកលើពលរដ្ឋ នៅភូមិត្រពាំងថ្ម កណ្តាល ចំនួន ៣៤២ នាក់ / ស្រី ១៨៩ នាក់ ក្នុងនោះលទ្ធផល រកឃើញវិជ្ជមាន កូ វីដ .១៩ ចំនួន ៧៥ នាក់ / ស្រី ៤៦ នាក់។
លោកជូ បុត្រ បាន បន្តថាក្រោយពី លោក បាន ដឹកនាំ ក្រុមការងារ ស្រុក ឃុំ ភូមិ និង លោកគ្រូ ពេទ្យ ជួរមុខ ចុះ យក សំណាក ប្រជាពលរដ្ឋ ហើយ បាន រាយការណ៍ ជូន លោក អភិបាលខេត្តៗ ក៏បាន បញ្ជា ឲ្យ បិទ ខ្ទប់ ភូមិ ត្រពាំងថ្ម កណ្តាល ជា បន្ទាន់ នៅ រសៀល ថ្ងៃទី ១៦កញ្ញា ឆ្នាំ ២០២១នេះ ។ នៅពេល រសៀល នោះដែរ លោក បានធ្វើ ការប្រជុំ បន្ទាន់ នៅ សាលាឃុំ ប៉ោយចារ ដើម្បី ពិភាក្សាគ្នា រៀបចំ វិធី បិទ ខ្ទប់ ឲ្យ មាន ប្រសិទ្ធិភាព ដើម្បី កាត់ផ្តាច់់ ការរីក រាលដាល ជំងឺ កូ វីដ -១៩ ដល់ ភូមិ ដ៍ទៃទៀត ។
លោកបានបញ្ជាក់ឲ្យដឹងបន្តទៀតថាអំពីប្រភពនៃ ការឆ្លង កូ វីដ ១៩ ចូល ភូមិ ដែលមាន លំនៅឋាន ចង្អៀត ជាប់ៗ គ្នា មកពី ៥ ប្រភព ទី ១ / ករណី ឳ ពុក ទៅលេង កូន នៅ ខេត្តសៀមរាប ហើយ ឆ្លង មេរោគ នេះ ទី ២/ ករណី កូន រស់នៅ ក្រុង ប៉ោយប៉ែត មកលេង ម្តាយ នៅ ភូមិ ខាងលើហើយបានចម្លងគ្នា ទី ៣/ ករណី បុគ្គលិក ធនា ការ អេស៊ីលីដា ម្នាក់ ក្នុងចំណោម ៥ នាក់ មកពី ស្រុក ព្រះនេត្រព្រះ បាន ចម្លង ទី ៤/ ករណី បុគ្គលិក ទឹកកក អនាម័យ សិប្បកម្ម សេះ ហោះ ពី ខេត្តសៀមរាប ចម្លង មទី ៥/ ករណី ទឹកកក សេះ ហោះ នេះ និង ភ្ញៀវ ព្រមទាំង បុគ្គលិក នៅ ភោជនីយដ្ឋាន និង ខារ៉ាអូខេ ស្ពាន នាគ នៅ ស្រុក ភ្នំស្រុកផងដែរ៕
