ខេត្តបន្ទាយមានជ័យ៖នៅរសៀលថ្ងៃពុធ ១០កើត ខែ ផល្គុន ឆ្នាំ ខាលចត្វាស័ក ព.ស២៥៦៦ ត្រូវនឹងថ្ងៃទី០១ ខែមិនាឆ្នាំ២០២៣នេះមានករណី គ្រោះថ្នាក់ចរាចរណ៍ មួយបានកើតឡើង រវាងរថយន្តព្រុស ពណ៌ទឹកប្រាក់ ពាក់ផ្លាកលេខភ្នំពេញ -2AG-5701បើកបរក្នុងល្បឿនលឿនបានផ្ទុះកង់រ៉េចង្កូតទៅប៉ះរថយន្តធំមួយគ្រឿងនឹងបុកជាមួយម៉ូតូ ពីគ្រឿង បុរសពីរនាក់ជាមន្ត្រីយោធា បើកបរម៉ូតូម៉ាក់វ៉េវC110ពណ៌ខ្មៅ មួយគ្រឿងបានស្លាប់ភ្លាមៗនៅនឹងកន្លែងកើតហេតុ រីឯមួយគ្រឿងទៀតសិស្សសាលាពីរនាក់ស្រី បើកបរម៉ូតូ ម៉ាក់សង់C១២៥ពណ៌ខ្មៅ ពាក់ផ្លាកលេខ-ប-មានជ័យ-1U-6606 របួសធ្ងន់ បានកម្លាំងនគរបាល ផ្នែកចរាចរណ៍ ក្រុងប៉ោយប៉ែតដឹកបញ្ជូនទៅជួយសង្គ្រោះនៅបន្ទីរពេទ្យខេត្ត ទីតាំងកើតហេតុនៅលើដងផ្លូវជាតិលេខ ៥ស្ថិតនៅក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ករណីគ្រោះថ្នាក់ចរាចរណ៍ខាងលើ ភ្លាមៗនោះ៖ក៏មានវត្តមាន លោកវរសេនីយ៍ទោ ឈឿន ប៊ុនថា អធិការរងទទួលផែននគរបាលចរាចរណ៍ នៃអធិការដ្ឋាននគរបាលក្រុងប៉ោយប៉ែត ដឹកនាំកម្លាំង ចុះដល់ទីតាំងកើតហេតុខាងលើ បានធ្វើការពិនិត្យ នឹងវាស់វែង រកខុសត្រូវឱ្យភាគីទាំងសងខាង។
មន្ត្រីនគរបាលផ្នែកចរាចរណ៍ បានឲ្យដឹងថា ករណីគ្រោះថ្នាក់ចរាចរណ៍នេះ គឺមកពី រថយន្តព្រុស ពណ៌ទឹកប្រាក់ ពាក់ផ្លាកលេខភ្នំពេញ -2AG-5701បើកបរមានគ្នា ៤ នាក់ ក្នុងល្បឿនលឿន ទិសដៅពីកើតទៅលិច មកដល់ចំណុចកើតហេតុ បានផ្ទុះកង់ហេយ រ៉េចង្កូតទៅប៉ះរថយន្តធន់ធំនឹងបុកម៉ូតូ ០២គ្រឿង ម៉ូតូបើកបរ ទិសដៅពីលិចទៅកើតក៏បានជួបគ្រោះថ្នាក់ត្រូវរថយន្តព្រុសបុក ស្លាប់បុរសពីរនាក់ជាមន្ត្រីយោធា វីឯងសិស្សសាលាពីរនាក់រោងរបួសធ្ងន់បានបញ្ជូនទៅសង្គ្រោះនៅមន្ទីរពេទ្យខេត្តរួចហើយ។
១-/ម៉ូតូម៉ាក់វ៉េវពណ៌ខ្មៅបើកបរដោយបុរសពីរនាក់ជាមន្ត្រីយោធា បានស្លាប់ភ្លាមៗនៅនឹងកន្លែងកើតហេតុ សាកសពខាងអង្គភាព របស់គាត់ចុះមកទទួលសាកសពយកទៅធ្វើបុណ្យតាមប្រពៃណី។
២-/ម៉ូតូម៉ាក់សង់ពណ៌ខ្មៅបើកបរដោយសិស្សសាលាពីរនាក់ស្រី រងរបួសធ្ងន់បានបញ្ជូនទៅជួយសង្គ្រោះនៅបន្ទីរពេទ្យខេត្តបន្ទាយមានជ័យ។
សូមបញ្ជាក់៖ ក្នុងករណីគ្រោះថ្នាក់ ចរាចរណ៍ ខាងលើ
លោកវរសេនីយ៍ទោ ឈឿន ប៊ុនថា អធិការរង ទទួលផែននគរបាលចរាចរណ៍ ដឹកនាំកម្លាំង ចុះធ្វើការពិនិត្យនិងវាស់វែងរួចក៏នាំយករថយន្តព្រុសនិងម៉ូតូ ២ គ្រឿងមករក្សាទុកនៅអធិការដ្ឋាននគរបាលក្រុងប៉ោយប៉ែតរង់ចាំដោះស្រាយតាមនីតិវិធីនៅពេលក្រោយ។
