កងទ័ពចិនបានចេញការព្រមានថា អាងទំនប់ទឹកមួយនៅកណ្តាលប្រទេស អាចនឹងដួលបាក់រលំគ្រប់ពេល បន្ទាប់ពីរងការខូចខាតយ៉ាងធ្ងន់ធ្ងរដោយសារព្យុះដ៏ខ្លាំងក្លា ដែលបានសម្លាប់មនុស្សយ៉ាងហោចណាស់ ១២នាក់ និងបានធ្វើឱ្យតំបន់នេះមានការជាប់គាំង។ នេះបើតាមប្រភពព័ត៌មាន cna។
អាជ្ញាធរគ្រប់គ្រងអាកាសធាតុ បានចេញសេចក្តីប្រកាសឱ្យមានការប្រុងប្រយ័ត្នខ្ពស់បំផុតសម្រាប់តំបន់ភាគកណ្តាលខេត្ត Henan ខណៈភ្លៀងធ្លាក់បណ្តាលឱ្យមានការរអាក់រអួលដល់ការធ្វើដំណើរ និងការជម្លៀសប្រជាជននៅតាមផ្លូវលិចលង់។
ទំនប់ដ៏ធំនេះ មានឈ្មោះ Xiaolangdi នៅ Luoyang ក្នុងខេត្ត Henan ភាគកណ្តាលប្រទេសចិនកាលពីល្ងាចថ្ងៃអង្គារ អង្គភាពប្រចាំតំបន់នៃកងទ័ពរំដោះប្រជាជនបានព្រមានថា ភ្លៀងឥតឈប់ឈរបានបណ្តាលឱ្យមានស្នាមប្រេះ ២០ម៉ែត្រ នៅអាងទំនប់ទឹក Yihetan ក្នុងទីក្រុង Luoyang ដែលមានប្រជាជនរស់នៅប្រមាណ ៧លាននាក់ កំពុងប្រឈមនឹងហានិភ័យ ថាវាអាចនឹងបាក់រលំគ្រប់ពេល។ ហើយបន្ថែមពីនេះ ក្រុមទាហានត្រៀមអនុវត្តការឆ្លើយតបជាបន្ទាន់ រួមទាំងការបំផ្ទុះទំនប់នេះ ដើម្បីការបង្វែរទឹកជំនន់៕