នាយករដ្ឋមន្ត្រីថៃលោកប្រាយុទ្ធចាន់អូចារ បានរងការរិះគន់ពីក្រុមបណ្តាញសារព័ត៌មានដោយសារតែលោក ប្រើវិធីបាញ់ទឹកអនាម័យដាក់លើអ្នកយកព័ត៌មានក្នុងការបញ្ចៀសការឆ្លើយនឹងសំណួរ។
យោងតាមប្រ ភពប៊ីប៊ីស៊ី ថ្ងៃនេះ នៅក្នុងសន្និសីទកាសែតមួយដែលមានការដាក់សំណួរចង់ដឹងអំពីការរុះរើគណរដ្ឋមន្ត្រីថៃ លោកបាន ឆ្លើយថា វាមិនមែនជារឿងដែលនាយករដ្ឋមន្ត្រី ត្រូវដឹងមុនគេនោះទេ។ ហើយចួរកុំសួរសំណួរនេះទៀត។
ក្រោយពីមានសំណួររបស់អ្នកកាសែតរឿងរុះរើគណរដ្ឋមន្ត្រីថៃនោះមក លោកប្រាយុទ្ធចាន់អូរចា បានយកទឹកអនាម័យ ដើរបាញ់ទៅលើអ្នកសារព័ត៌មានទាំងឡាយនោះ។ ក្រុមបណ្តាញសារព័ត៌មានបានរិះគន់ថា អតីតឧត្តមសេនីយ៍ ប្រាយុទ្ធចាន់អូចារដែល បានឡើងកាន់អំណាចតាំងពីឆ្នាំ២០១៤ក្រោយរដ្ឋប្រហារយោធានោះមក មានប្រវត្តិបង្ក នូវការមិនឲ្យពេញចិត្ត ក្នុងពេលដែលធ្វើសន្និសីទកាសែតម្តងៗ។
សេចក្តីរាយការណ៍ប៊ីប៊ីស៊ីបានបង្ហាញថា លោក ប្រាយុទ្ធចាន់អូរចាធ្លាប់ត្រូវបានគេថតរូបប៉ះក្បាលអ្នកសារព័ត៌មាននិងបានទាញស្លឹកត្រចៀករបស់អ្នកសារព័ត៌ មាន, និងមានម្តងនោះទៀត លោកបានឲ្យគេយករូបសិប្បនិម្មិតរបស់លោកធ្វើពីក្រដាស ដើម្បីឲ្យអ្នកសារព័ត៌ មានសួរដើម្បីបញ្ចៀសការឆ្លើយតបនឹងសំណួររបស់ក្រុមសារព័ត៌មានថែមទៀត។
