ម៉ានីល៖ ឥទ្ឋិពលព្យុះទីហ្វុង Vamco បានវាយប្រហារមកលើបណ្តាខេត្តនានា លើកោះលូហ្សុន របស់ហ្វីលីពីន នៅថ្ងៃព្រហស្បតិ៍នេះ បង្កជាទឹកជំនន់ជន់លិចស្លាប់មនុស្សម្នាក់ និងអ្នកស្រុកជាច្រើននាក់ទៀត កំពុងរងចាំការជួយសង្គ្រោះ។ នេះបើតាមការចេញផ្សាយដោយCNA នៅថ្ងៃទី១២ ខែវិច្ឆិកា ឆ្នាំ២០២០ នេះ។
លោកស្រី Arlyn Rodriguez ជាអ្នករស់នៅក្នុងទីក្រុង Marikina បានប្រាប់ស្ថានីយ៍វិទ្យុ DZMM របស់ហ្វីលីពិនថា លោកស្រីកំពុងរង់ចាំការជួយសង្គ្រោះជាមួយមនុស្ស ២០ នាក់ផ្សេងទៀតដែលភាគច្រើនជាកុមារ និងមនុស្សចាស់ បន្ទាប់ពីទឹកជំនន់បានជន់លិចយ៉ាងរហ័ស។
អភិបាលក្រុង Marikina លោក Marcelino Teodoro បាននិយាយថា ផ្ទះចំនួន ៤ម៉ឺនខ្នងត្រូវបានលិចលង់ទាំងស្រុង ឬដោយផ្នែកនៅក្នុងតំបន់។ រដ្ឋាភិបាលហ្វីលីពីនក៏បានសម្រេចផ្អាកការហោះហើរ និងធ្វើដំណើរឆ្លងកាត់ទីក្រុងម៉ានីល៕ ហ្សា
