មនុស្សយ៉ាងតិច៧១នាក់នៅក្នុងបណ្តាមណ្ឌលធ្វើចត្តាឡីស័កសង្ស័យថាកើតជំងឺកូវីដ១៩ ក្នុងប្រទេសវៀតណាមត្រូវបានបានបញ្ជូនទៅមន្ទីរពេទ្យសសៃប្រាសាទ ក្នុងទីក្រុងហាណូយ អំឡុងរយៈពេល៨ខែមកនេះ នេះបើតាមការចេញផ្សាយរបស់សារព័ត៌មាន Vietnam Express នៅថ្ងៃទី២៩ កញ្ញា ២០២០។
អ្នកធ្វើចត្តាឡីស័កទាំងនេះក៏ធ្លាប់មានបញ្ហាជំងឺផ្លូវចិត្តដែរ ហើយភាគច្រើនគឺជាអ្នកដែលទើបមកពីក្រៅប្រទេស ដែលបានសិក្សាឬធ្វើការងារនៅទីនោះ។ ពេលដាក់ឲ្យនៅដាច់ដោយឡែក ពួកគេហាក់មានបញ្ហាផ្លូវចិត្ត ទើបគ្រូពេទ្យសម្រេចបញ្ជូនទៅមន្ទីពេទ្យសសៃប្រាសាទតែម្តង នេះបើតាមលោកវេជ្ជបណ្ឌិត Nguyen Duc Vuong។
បើតាមប្រភពថា នៅពេលដែលបញ្ហាជំងឺកូវីដ១៩បានថមថយច្រើននោះ អ្នកសង្ស័យកើតជំងឺផ្លូវចិត្តខ្លាំងទាំងនេះអាចនឹងចាំបាច់ត្រូវលេបថ្នាំ ចាប់ពី១ខែទៅ៣ខែ៕