ក្រុមពន្លត់អគ្គីភ័យ និង យន្តហោះយោធា ព្រមទាំងកងកម្លាំងឆ្មាំការពារជាតិបានធ្វើដំណើរទៅដល់រដ្ឋកាលីហ្វរញ៉ាហើយ នៅថ្ងៃអាទិត្យម្សិលមិញ ដើម្បីចូលរួមប្រយុទ្ធប្រឆាំងនឹងភ្លើងឆេះព្រៃដ៏ធំសម្បើមចំនួនពីរ ដែលបានឆាបឆេះបំផ្លិចបំផ្លាញផ្ទៃដីជាច្រើនហិកតានៅទូទាំងរដ្ឋមួយនេះ នេះបើតាមសារព័ត៌មានរ៉យទ័រនៅថ្ងៃទី២៤ ខែសីហា ឆ្នាំ២០២០ ។
ឆ្លើយតបនឹងបញ្ហាខាងលើនេះ ប្រធានាធិបតីអាម៉េរិកលោក ដូណាល់ ត្រាំ បានចេញសេចក្ដីថ្លែងការណ៍មួយអំពីគ្រោះមហន្តរាយនេះ កាលពីថ្ងៃសៅរ៍សប្តាហ៍មុន ដោយបានប្រកាសថា នឹងផ្ដល់ជំនួយរដ្ឋាភិបាលសហព័ន្ធ ។ ដោយឡែកអភិបាលរដ្ឋកាលីហ្វរញ៉ា លោក Gavin Newsom បាននិយាយថា
ឆ្លើយតបនឹងបញ្ហាខាងលើនេះ ប្រធានាធិបតីអាម៉េរិកលោក ដូណាល់ ត្រាំ បានចេញសេចក្ដីថ្លែងការណ៍មួយអំពីគ្រោះមហន្តរាយនេះ កាលពីថ្ងៃសៅរ៍សប្តាហ៍មុន ដោយបានប្រកាសថា នឹងផ្ដល់ជំនួយរដ្ឋាភិបាលសហព័ន្ធ ។ ដោយឡែកអភិបាលរដ្ឋកាលីហ្វរញ៉ា លោក Gavin Newsom បាននិយាយថា
ជំនួយនេះនឹងជួយដល់ការដោះស្រាយវិបត្តិដ៏ធំនេះ ការផ្ដល់ទីជម្រកស្នាក់នៅ និងសេវាសង្គមផ្សេងទៀតនៅតាមស្រុកមួយចំនួនដែលរងគ្រោះដោយសារភ្លើងឆេះព្រៃ ។
សូមជម្រាបថា ភ្លើងឆេះព្រៃ LNU និងភ្លើងឆេះព្រៃ SCU នៅក្នុងតំបន់ Bay Area នៃទីក្រុង San Francisco បានក្លាយជាភ្លើងឆេះព្រៃធំជាងគេបំផុតទី២ និងទី៣ នៅក្នុងប្រវត្តិភ្លើងឆេះព្រៃថ្មីៗនេះរបស់រដ្ឋកាលីហ្វរញ៉ា ៕