សារព័ត៌មាន CGTN នៅថ្ងៃទី២៥ ខែឧសភា ឆ្នាំ២០២១ នេះ បានចុះផ្សាយអំពីចំនួនអ្នកស្លាប់ ដោយសារភ្នំភ្លើងផ្ទុះ Mount Nyiragongo នៅខេត្តភាគខាងជើងរដ្ឋ North Kivu នៃសាធារណរដ្ឋប្រជាធិបតេយ្យកុងហ្គោ គឺកើនឡើងដល់៣២នាក់ ហើយ។
បើតាមប្រធានផ្នែកការពារជនស៊ីវិល លោក Joseph Makundi បានថ្លែងថា ក្នុងចំណោមជនរងគ្រោះទាំង៣២នាក់ មាន៩នាក់ ស្លាប់ដោយកម្អែរភ្នំភ្លើងហូរចូលក្នុងផ្ទះ ៥នាក់ស្លាប់ដោយស្រូបផ្សែង ក្នុងពេលដើរឆ្លងកាត់កម្អែលភ្នំភ្លើង។ រីឯ១៤នាក់ទៀត បានស្លាប់ដោយក្រឡាប់រថយន្តដឹកទំនិញ ខណៈ៤នាក់ផ្សេងទៀត គឺជាអ្នកទោសព្យាយាមរត់គេចពីពន្ធនាគារកណ្តាល Munzenze។
