ភាពតានតឹងរបស់ Inter Milan នៅតែកើតមានចាប់តាំងពីលោក Antonio Conte ដែលជាគ្រូបង្វឹក បានទទួលការិះគន់ពីសំណាក់ក្រុមប្រឹក្សាភិបាលក្លឹប ក្រោយពីការប្រកួតក្នុងក្របខ័ណ្ឌ Serie A ត្រូវបានបញ្ចប់។
យ៉ាងណាងមិញទោះបីក្លឹបមួយនេះ ដែលកំពុងស្ថិតក្នុងវគ្គពាក់កណ្តាលផ្តាច់ព្រ័ត្រពានរង្វាន់ Europa League ក៏ដោយ លោក Antonio Conteg អាចនឹងត្រូវចាកចេញ ហើយក្លឹបនេះនឹងជ្រើសរើសលោក Max Allegri ដើម្បីមកជំនួសវិញ។
យ៉ាងណាមិញប្រសិនបើលោក Max Allegri បានទៅដឹងនាំមែន នោះលោកនឹងនាំយកកីឡាករ ២រូបទៅជាមួយក្នុងនោះរួមាន៖ Toni Kroos និង Milinkovic-Savic។ប៉ុន្តែយោងតាមប្រភព TuttoSport បានរបាយការណ៍ឲ្យដឹងដែលថា ពេលវេលារបស់កីឡាករ Toni Kroos ដែលនៅក្លឹប Real Madrid មិនអាចបញ្ចប់ដោយងាយៗនោះទេ ហើយគេនឹងប្រឆាំងជាដាច់ខាតចំពោះផ្លាស់ប្តូរណាមួយដែលឆ្ងាយពីទឹកដី Bernabeu។
លើសពីនេះទៅការលំបាកខ្លាំងបំផុតរបស់ Allegri ដែលចង់បាន Milinkovic-Savic ពីក្រុម Lazio ផងនោះ ដោយសារតែក្លឹបនោះនៅទីក្រុងរ៉ូម ម្យ៉ាងក្លឹបនេះមិនព្រមទទួលសំណើ រីឯតម្លៃតិចជាង ៨០លានអឺរ៉ូ។