កាលពីថ្ងៃទី២៦ ខែកញ្ញា ឆ្នាំ២០២០ កន្លងទៅនេះភេសជ្ជៈប៉ូវកម្លាំង គោជល់ ដែលជាក្រុមហ៊ុនតែងតែឧបត្ថម្ភធំជាងគេដល់កម្មវិធីប្រដាល់គុនខ្មែរនៅកម្ពុជា បានរៀបចំសន្និសីទសារព័ត៌មានដើម្បីប្រកាសបើកជាផ្លូវការនូវកម្មវិធីប្រដាល់ អ្នកតស៊ូគុនខ្មែរគោជល់ ជើងឯកប៉ះគ្នា រដូវកាលទី២ នៅស្ថានីយទូរទស្សន៍ ស៊ីអិនស៊ី។
ដោយសារមានការគាំទ្រដ៏ច្រើនលើសលប់ពីសំណាក់អ្នកស្នេហាវិស័យគុនខ្មែរចំពោះកម្មវិធីប្រដាល់ អ្នកតស៊ូគុនខ្មែរគោជល់ ដំណើរឆ្ពោះទៅតាមខេត្ត និង អ្នកតស៊ូគុនខ្មែរគោជល់ ជើងឯកប៉ះគ្នា រដូវកាលទី១ គោជល់ ក៏បានសម្រេចជ្រើសរើសកីឡាករកាន់តែខ្លាំងជាងមុន រៀបចំប្រាក់រង្វាន់កាន់តែពិសេសជាងមុន ដើម្បីនាំមកនូវការប្រកួតដែលកាន់តែកក្រើកជាងមុន សម្រាប់រដូវកាលទី២នេះ។
ដោយមានកិច្ចសហការជាមួយសហព័ន្ធកីឡាប្រដាល់គុនខ្មែរ ដើម្បីជួយលើកតម្កើង និងផ្សព្វផ្សាយកីឡាប្រដាល់គុនខ្មែរដល់អ្នកគាំទ្រនៅកម្ពុជា និងនៅលើសកលលោក គោជល់ តែងតែបញ្ចូលបន្ថែមនូវការប្រកួតមិត្តភាព ដែលមិនត្រឹមតែប្រកួតជូនអ្នកគាំទ្រទស្សនាប៉ុណ្ណោះទេ តែក៏ដើម្បីគាំទ្រដល់កីឡាករប្រដាល់ដែលមានឆន្ទៈក្នុងការប្រកួតកីឡាស៊ីហ្គេមឆ្នាំ២០២៣ ឱ្យមានឱកាសបង្ហាញសមត្ថភាពរបស់ខ្លួនតាមរយៈកម្មវិធីប្រកួតដែលរៀបចំឡើងដោយភេសជ្ជៈប៉ូវកម្លាំងគោជល់ផងដែរ។
សូមតាមដាន និងរង់ចាំទស្សនា ក៏ដូចជាគាំទ្រកម្មវិធីប្រដាល់ល្អផ្តាច់គេនៅកម្ពុជា ដែលនឹងចាប់ផ្តើមពីថ្ងៃទី៣ ខែតុលា ឆ្នាំ២០២០ តទៅ។ គ្រប់ការប្រកួតទាំងអស់ នឹងធ្វើការផ្សាយផ្ទាល់ដោយស្ថានីយទូរទស្សន៍ ស៊ីអិនស៊ី និងទំព័រហ្វេសប៊ុកផ្លូវការរបស់ភេសជ្ជៈប៉ូវកម្លាំងគោជល់ ចាប់ពីម៉ោង ៥ និង ៤៥នាទីតទៅ។