លោក Arsene Wenger បានចេញពី Arsenal ក្នុងឆ្នាំ២០១៨ ក្រោយចំណាយពេល២២ឆ្នាំ នៅកីឡដ្ឋាន Emirates ហើយបច្ចុប្បន្នលោកកំពុងទំនេរពីការងារជាគ្រូបង្វឹក។ប៉ុន្តែខណៈពេលនេះ Barcelona បានដាក់សំណើរទៅលោក Wenger ដើម្បីឲ្យលោកទៅដឹកនាំជំនួសលោក Quique Setien ប៉ុន្តែគាត់បានបដិសេធ។
ពេលនេះ Barcelona កំពុងតែសម្លឹងមើលគ្រូបង្វឹកថ្មីៗ ដើម្បីមកជំនួសតំណែងលោក Setien។ យោងតាមរបាយការណ៍របស់កាសែត Le 10 Sport បានផ្សាយថា៖ Barca បានសម្លឹងឃើញលោក Arsene Wenger ប៉ុន្តែលោកមិនព្រមទទួលសំណើមួយនេះឡើយ។
គួរដឹងដែរថា នូវរដូវកាលនេះលោក Quique Setien ដែលជាអ្នកចាត់ការទូទៅរបស់ Barcelona ហាក់បីដូចជាមិនសូវជាល្អឡើយ
សូម្បីការប្រកួតពានLa Liga ក៏ត្រូវរបូត។
