តារាស្រី Grace Kanklao និងគូស្នេហ៍ នៅតែមានភាពផ្អែមល្ហែម ដូចជាគូស្នេហ៍ដទៃទៀត ដែលកំពុងតែធ្វើឲ្យហ្វេនៗជាច្រើន ជក់ចិត្តនឹងតាមដានពីសកម្មភាពរបស់អ្នកទាំងពីរ។
ក្នុងថ្ងៃខួបកំណើតគម្រប់ ៣២ ឆ្នាំ របស់ Grace ក្នុងឆ្នាំនេះ បានរៀបចំពិធីជប់លៀងយ៉ាងគគ្រឹកគគ្រេង ដោយមាន មានមិត្តភក្តិជាច្រើនបានចូលរួមអបអរចំពោះនាង យ៉ាងសប្បាយរីករាយ ប៉ុន្តែ រឿងដ៏គួរឲ្យចាប់អារម្មណ៍ដែលមិនអាចឲ្យទស្សនិកជនរំលងបាននោះគឺ នៅក្នុងពិធីជប់លៀងខួបកំណើតរបស់ Grace ក៏មានវត្តមានគូស្នេហ៍ដ៏ស្រស់សង្ហាបានមកចូលរួម ថែមទៀតផង។
មិនត្រឹមតែប៉ុណ្ណោះនៅក្នុងនោះ ថែមទាំងមានឈុតឆាកដ៏ផ្អែមល្ហែម ដែលគូស្នេហ៍របស់នាង បានច្រៀងចម្រៀងជាកាដូដល់នាង ក្នុងបរិយាកាសយ៉ាងរ៉ូមែនទិក ខណៈដែលបណ្ដាមិត្តៗរបស់នាងជាច្រើនដែលមានវត្តមាននៅទីនោះ ពិតជាអត់មិនបាននឹងសម្ដែងក្ដីរំភើបជំនួស ចំពោះទំនាក់ទំនងគូស្នេហ៍អ្នកទាំងពីរ៕
