ក្រោយ Boy Pakorn តារាសម្ដែងរួមទូរទស្សន៍បានសារភាពថាលោកលួចស្រឡាញ់នាង សម្រាប់ចម្លើយវិញ Diana បាននិយាយថា Boy Pakorn មិនបានញ៉ែនាងទេ ព្រោះថាពួកគេរាប់អានគ្នាប្រៀបដូចជាសិស្សច្បង សិស្សប្អូនក្នុងរួមវិស័យប៉ុណ្ណោះ។ Diana នៅបាននិយាយទៀតថា នាងមិនប្រកាន់ ឬឃាំងផ្លូវខ្លួនឯងក្នុងការមានស្នេហាទេ បានសេចក្ដីថា ប្រសិនពេលវេលាស័ក្តិសម ហើយជាស្នេហាពិតនាងនឹងបណ្ដោយតាមនោះ ។ Boy Pakorn បានសារភាពចំៗថា លោកមានកូនចិត្តទៅលើ Diana Flipo ព្រោះតែនាងជានារីម្នាក់ដែលស្លូតបូត សុភាពរាបសារ និងគួរឲ្យស្រឡាញ់ ចម្លើយសារភាពរបស់ Boy ពិតជាបានធ្វើឲ្យមនុស្សជាច្រើន សាទរ និងសង្ឃឹមថាស្នេហាមួយនេះរវាងអ្នកទាំង ២កើតឡើងឆាប់ៗ៕