យោងតាមការចេញផ្សាយរបស់សារព័ត៌មាន hindustantimes បានឲ្យដឹងថា នៅថ្ងៃចន្ទ ទី២១ កញ្ញា ២០២០នេះ ប្រទេសឥណ្ឌាបានបើកមហាប្រាសាទ Taj Mahal ឡើងវិញ ដើម្បីឲ្យភ្ញៀវទេសចរចូលទស្សនាស្វែងយល់ ក្រោយបិទទ្វាររយៈពេល៦ខែ ព្រោះតែបញ្ហាជំងឺកូវីដ១៩។ ជាការបើកដំណើរការឡើងវិញ នូវសំណង់បេតិកភណ្ឌពិភពលោកមួយនេះ បើទោះបីជាឥណ្ឌា ក្នុងមួយថ្ងៃៗ មានអ្នកឆ្លងថ្មីកើន១០០០០០នាក់ ស្លាប់ជាង ១០០០នាក់ ដោយសារជំងឺកូវីដ១៩នេះ។
ថ្មីៗនេះ រដ្ឋាភិបាលឥណ្ឌាបានបន្ធូរបន្ថយការរឹតត្បិតជាបន្តបន្ទាប់ដោយរាប់បញ្ចូលទាំងដំណើរការរថភ្លើងនិងជើងហោះហើរច្រើននៅក្នុងស្រុក ផ្សារ ភោជនីយដ្ឋាន ហើយការបើកប្រាសាទ Taj Mahal ឡើងវិញ។ យ៉ាងណាក៏ដោយ ភ្ញៀវទេសចរណ៍ត្រឹម៥០០០នាក់ប៉ុណ្ណោះត្រូវបានអនុញ្ញាតឲ្យចូលប្រាសាទនេះ ក្នុង១ថ្ងៃ ដោយត្រូវបែងចែកពេលវេលាគ្នា។
គិតត្រឹមព្រឹកថ្ងៃទី២១ កញ្ញានេះ ឥណ្ឌាករណីវីរុសកូវីដ១៩ ជាង៥លាន៤ សែននាក់ ខណៈចំនួនអ្នកស្លាប់សរុបកើនដល់ ចំនួន៨៧៩០៩នាក់ហើយ៕
