តាមការចេញផ្សាយដោយទូរទស្សន៍រដ្ឋចិន CCTV បានរាយការណ៍កាលពីល្ងាចថ្ងៃសៅរ៍ថា ភ្លៀងធ្លាក់ខ្លាំងនៅខេត្តស៊ីឈួន ភាគនិរតីប្រទេសចិន បានបណ្តាលឱ្យខូចខាតសេដ្ឋកិច្ចចំនួន ២៥០ លានយ័ន ប្រមាណជាជាង៣៨ លានដុល្លារ។
នេះបើយោងតាមការចេញផ្សាយដោយសារព័ត៌មាន Reuters នៅថ្ងៃទី០៩ ខែសីហានេះ។ គិតត្រឹមម៉ោង ១ រសៀលនៅថ្ងៃសៅរ៍ ទឹកភ្លៀងបានធ្វើឱ្យប៉ះពាល់ដល់មនុស្សចំនួន ១២១,៦០០ នាក់នៅក្នុងទីក្រុងចំនួន ៦ ទូទាំងខេត្ត។
ទូរទស្សន៍នេះបានបន្ថែមថា មានផ្ទះចំនួន ៤៥ ខ្នងដែលបានដួលរលំ និង ១១៨ ខ្នងទៀតរងការខូចខាតយ៉ាងធ្ងន់ធ្ងរ។ ប្រទេសចិនជាធម្មតាទទួលបានទឹកភ្លៀងខ្ពស់បំផុតនៅក្នុងរដូវក្តៅ។ អ្នកជំនាញចិនបានព្រមានកាលពីពេលថ្មីៗនេះថា អាកាសធាតុខ្លាំង អាចបង្កគ្រោះថ្នាក់។ កាលពីខែមុន ខេត្តហឺណានភាគកណ្តាល ត្រូវបានវាយប្រហារដោយខ្យល់ព្យុះយ៉ាងខ្លាំង ជាមួយនិងខេត្តហ្សេងចូវ ដែលមានចំនួនស្មើនឹងបរិមាណទឹកភ្លៀងក្នុងមួយឆ្នាំក្នុងរយៈពេលត្រឹមតែបីថ្ងៃប៉ុណ្ណោះ៕
