លោក Diego Maradona ដែលត្រូវបានចាត់ទុកថា ជាស្តេចបាល់ទាត់តំណាងឱ្យប្រទេសអាហ្សង់ទិន បានទទួលមរណភាពហើយ កាលពីថ្ងៃ២៥ ខែវិច្ឆិកា ម្សិលមិញ ដោយជំងឺបេះដូង នៅក្នុងគេហដ្ឋានរបស់លោក ក្នុងជន្មាយុ៦០ឆ្នាំ។ នេះបើតាមការចេញផ្សាយដោយសារព័ត៌មាន CNA នៅថ្ងៃទី២៦ ខែវិច្ឆិកា ឆ្នាំ២០២០ នេះ។
ពាក់ព័ន្ឋនឹងពិធីបុណ្យសពរបស់ស្តេចបាល់ទាត់រូបនេះ ប្រធានាធិបតីអាហ្សង់ទីន Alberto Fernandez បានប្រកាសកាន់ទុក្ខចំនួន៣ថ្ងៃ ព្រមទាំងសរសេរនៅក្នុង Twitter ថា៖ Diego Maradona បាននាំយើងទៅដល់កំពូលពិភពលោក នឹងធ្វើឱ្យយើងសប្បាយរីករាយសម្បើមណាស់។ អ្នកពិសេសអស្ចារ្យជាងគេ។ អរគុណដែលមានរូបអ្នក Diego យើងនឹងរូបអ្នកអស់មួយជីវិត៕
អត្ថបទ៖ ហ្សា