ខេត្តប៉ៃលិន៖ គ្រាប់មីន ប្រភេទMD82B ចំនួន១០គ្រាប់ ត្រូវបានប្រទះឃើញនៅចំណុចដីជីកកកាយថ្មីក្រោយស្ពានយោល ស្ថិតក្នុងភូមិបរហ៊ុយត្បូង សង្កាត់បរយ៉ាខា ក្រុងប៉ៃលិន នៅព្រឹកថ្ងៃទី២០ ខែមិថុនា ឆ្នាំ២០២០ នេះ។
ប្រភពព័ត៌មានបានឱ្យដឹងថា មុនកើតហេតុប្រជាពលរដ្ឋបានយកគ្រឿងចក្រទៅជីកកកាយដីរបស់ខ្លួននៅក្បែរមាត់ស្ទឹងដើម្បីពង្រាបឱ្យស្មើ គ្រានោះស្រាប់តែប្រទះឃើញគ្រាប់មីនចំនួន១០គ្រាប់ ទើបប្រញាប់រាយការណ៍ទៅអាជ្ញាធរ បន្តទំនាក់ទំនងទៅកាន់ក្រុមការងារកំចាត់មីនកម្ពុជា ហៅកាត់ស៊ីម៉ាក់ ចុះមកប្រមូលយកទៅកម្ទេចចោល៕ ហៃធំ
