គ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ រួមនឹងអាវុធអាកា០១ដើម មានគ្រាប់ពីរបង់ផងត្រូវបានប្រជាពលរដ្ឋប្រទះឃើញគាប់ក្នុងដីចំការខណះដែលពួកគាត់កំពុងភ្ជួររៀបចំដាំដំឡូង។
លោកវរសេនីយ៍ទោ រឿម រ៉ាំង អធិការរងនគរបាលស្រុកបាណន់បានប្រាប់អោយដឹងថា កាលពីវេលាម៉ោង ១៤និង៣០នាទី នៅថ្ងៃទី ១៧ ខែមិថុនា ឆ្នាំ២០២០នេះ មានប្រជាពលរដ្ឋ ឈ្មោះ ឌិត ឌឿម ភេទប្រុស អាយុ៥៩ រស់នៅភូមិដូង ឃុំចែងមានជ័យ ស្រុកបាណន់ បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ រួមនឹងអាវុធអាកា០១ដើមមានបង់ពីរ ខណៈដែលរូបលោកកំពុងភ្ជួរដីចំការត្រៀមដាំដំឡូងមី។
ក្រោយពីប្រទះឃើញពលរដ្ឋខាងលើក៏បានរាយការណ៍មកកាន់មន្ត្រីប៉ុស្តិ៍នគរបាលរដ្ឋបាលចែងមានជ័យ នៃអធិការដ្ឋាននគរបាលស្រុកបាណន់ដើម្បីចុះទៅពិនិត្យមើល ភ្លាមនោះកំលាំងប៉ុស្ដិ៍នគរបាលរដ្ឋបាលចែងមានជ័យបានចុះទៅពិនិត្យមើលនៅលើទីតាំងជាក់ស្តែង។
ក្រោយពីធ្វើការពិនិត្យយ៉ាងយកចិត្តទុកដាក់សមត្ថកិច្ចជំនាញប្រមូលយកបានគ្រាប់យុទ្ធភ័ណ្ឌមិនទាន់ផ្ទុះជាច្រើនប្រភេទដែលក្នុងនោះមាន ៖
- គ្រាប់មីន72A (មីនកង្កែប)ចំនួន ០៥គ្រាប់
- គ្រាប់ បែកដៃក្រឡាទៀបចំនួន ០១គ្រាប់
- អាវុធអាកាចំនួន០១ដើម
-បង់ចំនួន០២ដែលមានគ្រាប់ សរុបចំនួន៤៦គ្រាប់។
ក្រោយពីប្រមូលបានគ្រាប់យុទ្ធភ័ណ្ឌទាំងអស់នោះត្រូវបានមន្ត្រីជំនាញយកមករក្សាទុកនៅប៉ុស្តិ៍នគរបាលរដ្ឋបាលចែងមានជ័យទុកប្រគល់ជូនអង្គភាពកំចាត់មីន (CMAC)ដើម្បីធ្វើការដុតកំទេចចោលនៅពេលក្រោយ។
ជាមួយគ្នានេះក្នុងនាមអាជ្ញាធរ ក៏បានអំពាវនាវទៅដល់បងប្អូនប្រជាពលរដ្ឋទាំងអស់ នៅពេលបានប្រទះឃើញគ្រាប់យុទ្ធភ័ណ្ឌមិនទាន់ផ្ទុះ សូមកុំប៉ះពាល់យកទៅដុត ដំគប់លេង ឬកែច្នៃផ្សេងៗ វាអាចបណ្តាលអោយផ្ទុះស្លាប់របួសពិការបានគ្រប់ពេល និងសូមរាយការណ៍ទៅអាជ្ញាធរមូលដ្ឋាន និងប្រតិបត្តិករបោសសំអាតមីនដែលនៅជិតទីនោះ មកប្រមូលយកទៅដើម្បីធ្វើការដុតកម្ទេចចោល៕