ក្រសួងសុខាភិបាល នៅព្រឹកថ្ងៃទី១៨ ខែមិថុនា ឆ្នាំ២០២០នេះថា បានប្រកាសរកឃើញអ្នកជំងឺកូវីដ១៩ ថ្មី ម្នាក់ទៀត ជាជនជាតិខ្មែរ ទើបត្រឡប់មកពីប្រទេសម៉ាឡេស៊ី។
ក្រសួងសុខាភិបាល បញ្ជាក់ថា អ្នកឆ្លងថ្មីម្នាក់នេះ ជាបុរស អាយុ២១ឆ្នាំ មានអាស័យដ្ឋាននៅភូមិស្រែអំបិល ឃុំស្រែអំបិល ស្រុកអំបិល ខេត្តកោះកុង។
បុរសរូបនេះជាអ្នកធ្វើដំណើរមកពីប្រទេសម៉ាឡេស៊ី មកដល់កម្ពុជានៅថ្ងៃទី១៦ ខែមិថុនា ឆ្នាំ២០២០ ហើយទទួលបានលទ្ធផលតេស្តវិជ្ជមានវីរុសកូវីដ១៩។ បច្ចុប្បន្ននេះ ត្រូវបានដាក់ឱ្យសម្រាកព្យាបាលនៅ មន្ទីរពេទ្យមិត្តភាពខ្មែរ-សូវៀតរួចហើយ៕