ខេត្តបាត់ដំបង៖ កម្លាំងផ្នែកប្រឆាំងគ្រឿងញៀនសហការជាមួយកំលាំងផ្នែកព្រហ្មទណ្ឌនៃអធិការដ្ឋាននគរបាលស្រុកសង្កែ ឃាត់ខ្លួនជនសង្ស័យចំនួន០២នាក់ ពាក់ព័ន្ឋករណីរក្សាទុកសារធាតុញៀន។
លោកវរសេនីយ៍ទោ សុខ និមល ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបាត់ដំបងបានអោយដឹងថា ជនសង្ស័យទាំង២នាក់ ត្រូវបានឃាត់ខ្លួនកាលពីវេលាម៉ោង ២៣និង១០នាទី នៅថ្ងៃទី១៦ ខែមិថុនា ឆ្នាំ២០២០ នៅចំណុចក្រុមទី០១ ស្ថិតក្នុងភូមិនរា១ ឃុំនរា ស្រុកសង្កែខេត្តបាត់ដំបង។
លោកថា ជនសង្ស័យទី១ឈ្មោះ វ៉ង គឹមសេង ហៅស្រួច ភេទប្រុស អាយុ៣៨ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ២/ឈ្មោះ តាំង សាវ៉ន ហៅ ខ្លឹងភេទប្រុស អាយុ៣៤ឆ្នាំ មានទីលំនៅភូមិផ្កាស្លា សង្កាត់ចំការសំរោង ក្រុងបាត់ដំបង។ វត្ថុតាងដកហូតបាន រួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ និង០១កំណាត់ទុយោបឺតទម្ងន់ ១,៣៧ក្រាម (ទាំងសំបក)- ទូរស័ព្ទដៃចំនួន០២គ្រឿង -កាបូបចំនួន០១-ម៉ូតូចំនួន០១គ្រឿង។
បច្ចុប្បន្នជនល្មើសរួមនឹងវត្ថុតាងត្រូវបានសមត្ថកិច្ចការិយាល័យជំនាញបាននឹងកំពុងរៀបចំសំណុំរឿងដើម្បីបញ្ជូនបន្តទៅតុលាការចាត់ការតាមនីតិវិធី៕