នៅព្រឹកថ្ងៃពុធ ទី១៧ ខែមិថុនា ឆ្នាំ២០២០ ដោយបានទទួលយកនូវអនុសាសន៍ណែនាំរបស់ឯកឧត្តម ឧត្តម សេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង នៅបរិវេណអធិការដ្ឋាននគរបាលស្រុកសំឡូត លោកវរសេនីយ៍ឯក មៀន ឡាយ ស្នងការរងផែនការងារសន្តិសុខ និងទទួលដឹកនាំជំនាញនៅអធិការដ្ឋាននគរបាលស្រុកសំឡូត បានជួបប្រជុំក្នុងថ្នាក់ដឹកនាំអធិការដ្ឋាននគរបាលស្រុកសំឡូតដោយមានលោកអធិការ អធិការរង នាយ នាយរងផ្នែកនិងមន្រ្តីពាក់ព័ន្ធជាច្រើនរូប។
ក្រោយពីបានស្តាប់នូវសេចក្តីរាយការណ៍របស់លោកវរសេនីយ៍ឯក កោ ស៊ុនកាំង អធិការនគរបាលស្រុកស្តីអំពីសភាពការណ៍សន្តិសុខ នយោបាយ សន្តិសុខសណ្តាប់ធ្នាប់សង្គមរួចមក លោកវរសេនីយ៍ឯក មៀន ឡាយ បានមានប្រសាសន៍ផ្សព្វផ្សាយនូវអនុសាសន៍ណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ចំពោះកិច្ចខិតខំពង្រឹងឱ្យបានប្រសើរទ្វេរដងថែមទៀតដល់កងកម្លាំងនគរបាលយើងក្នុងការគោរពវិន័យ ចាត់តាំង ឥរិយាបថ អាកប្បកិរិយានិងសកម្មភាពនៃការផ្តល់សេវាជូនដល់ប្រជាពលរដ្ឋនៅមូលដ្ឋានបានល្អប្រសើរ និងទាន់ពេលវេលាប្រកបដោយប្រសិទ្ធភាព៕
