បន្លែ មានផ្ទុកសារធាតុគីមីចំនួន៥មុខ ត្រូវបានសមត្ថកិច្ចរកឃើញ និងដកហូត ក្រោយលួចដឹកឆ្លងដែនពីប្រទេសវៀតណាមចូលមកកម្ពុជា។
លោក មួង ដារ៉ា ប្រធានការិយាល័យគយ និងរដ្ឋាករច្រកទ្វារអន្តរជាតិជ្រៃធំ បានថ្លែងថា បន្លែចំនួន៥ប្រភេទដែលសមត្ថកិច្ចរឹបអូស មានផ្ទុកកាកសំណល់ថ្នាំសម្លាប់សត្វល្អិត រួមមាន៖ បន្លែស្ពៃបូកគោ, បន្លែពោតបារាំង, បន្លែផ្កាគូឆាយ, ផ្លែល្ពៅ និងក្រូចឆ្មារតូច។
ក្នុងកិច្ចសហប្រតិបត្តិការនេះ សមត្ថកិច្ចបានពន្យល់ណែនាំ និងហាមមិនឲ្យក្រុមអាជីវករខ្មែរ នាំបន្លែដែលមានសារធាតុកាកសំណល់ថ្នាំសម្លាប់សត្វល្អិត ធ្វើឲ្យប៉ះពាល់សុខភាពប្រជាពលរដ្ឋ ចូលមកប្រទេសកម្ពុជាជាដាច់ខាត៕
