ឯកឧត្តម ឃួង ស្រេង អភិបាលរាជធានីភ្នំពេញ បានប្រកាសថា ក្នុងដំណាក់កាលកូវីដ១៩ រហូតដល់ពេលនេះ មានរោងចក្រ-សហគ្រាស ចំនួន ១៦៨មូលដ្ឋាន បានស្នើសុំព្យួរកិច្ចសន្យាការងារ ក្នុងនោះ វិស័យកាត់ដេរ មាន ១១៦មូលដ្ឋាន និងវិស័យទេសចរណ៍ មាន ៥២មូលដ្ឋាន។
ឯកឧត្តមលើកឡើងបែបនេះនៅក្នុងសន្និសីទកាសែតដែលរៀបចំដោយអង្គភាពអ្នកនាំពាក្យរាជរដ្ឋាភិបាល កាលព្រឹកថ្ងៃទី១៦ ខែមិថុនាម្សិលមិញ។
ឯកឧត្តមអភិបាលបញ្ជាក់ថា ដូច្នេះនេះគឺជាការងារដ៏សំខាន់ ដើម្បីជំរុញការអនុវត្តវិធានការគាំពាររបស់រាជរដ្ឋាភិបាល ក្នុងវិស័យឯកជន និងដើម្បីលើកកម្ពស់ជីវភាពរស់នៅរបស់បងប្អូនកម្មករ-និយោជិត៕
