ប្រទេសថៃគ្រោងបើកព្រំដែនវិញ សម្រាប់ភ្ញៀវទេសចរមកពីបណ្តាប្រទេស ដែលមានការឆ្លងមេរោគកូវីដ១៩ កម្រិតទាប។
លោក Taweesin Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ-១៩ របស់រដ្ឋាភិបាលថៃ បានថ្លែងថា ការធ្វើដំណើរបែបពពុះសាប៊ូ នឹងអនុញ្ញាតឱ្យប្រជាជនមកពីបណ្តាប្រទេសដែលមានកម្រិតឆ្លងមេរោគទាប ចូលប្រទេសថៃបាន ដោយមិនចាំបាច់ធ្វើចត្តាឡីស័ករយៈពេល១៤ថ្ងៃ។
ដោយមើលឃើញពីតួលេខទាបនេះ មន្ត្រីទេសចរណ៍ ក៏បានសង្ឃឹមថា នឹងទាក់ទាញភ្ញៀវទេសចរមកពីបណ្តាប្រទេសក្នុងតំបន់ដែលជំងឺនេះត្រូវបានគ្រប់គ្រងយ៉ាងល្អ រួមមានប្រទេសចិន វៀតណាម សាធារណរដ្ឋកូរ៉េ អូស្ត្រាលី និងនូវែលហ្សេឡង់ ជាដើម៕
