(ភ្នំពេញ) ៖ លោក ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងដឹកនាំគណៈប្រតិភូទៅបំពេញទស្សនកិច្ចនៅប្រទេសឡាវរយៈពេល២ថ្ងៃ ដោយផ្តើមនៅថ្ងៃទី៥ ខែកញ្ញា។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេសកម្ពុជា។
នៅក្នុងដំណើរទស្សនកិច្ចនេះ គឺមានគោលបំណងពង្រឹង និងពង្រីកវិសាលភាព និងជម្រៅនៃកិច្ចសហប្រតិបត្តិការទ្វេភាគី រួមទាំងបញ្ហាព្រំដែន នៃប្រទេសទាំងពីរ ក៏ដូចជាកិច្ចសហប្រតិបត្តិការនៅក្នុងវេទិកាតំបន់ និងអន្តរជាតិនានា ដែលមានផលប្រយោជន៍រួមគ្នាផងដែរ៕