ជនជាតិស្បែកខ្មៅម្នាក់ទៀតហើយ ត្រូវបាននគរបាលបាញ់ស្លាប់ ក្នុងរដ្ឋ Georgia ជាហេតុបង្កឲ្យមានភាពចលាចលលើកទី២ នៅសហរដ្ឋអាមេរិក។
ជនរងគ្រោះមានឈ្មោះ Rayshard Brooks អាយុ២៧ឆ្នាំ ត្រូវបាននគរបាលបាញ់ស្លាប់ គ្រាកំពុងបើកបរឆ្លងកាត់ភោជនីយដ្ឋាន Wendy។
មន្ត្រីនគរបាលអះអាងថា បុរសស្បែកខ្មៅរូបនេះបានប្រឆាំងនឹងការចាប់ខ្លួន និងបានលួចយកអាវុធរបស់មន្ត្រីម្នាក់។
បើទោះជាយ៉ាងនេះក្តី ការិយាល័យត្រួតពិនិត្យផ្នែកវេជ្ជសាស្ត្រ បានធ្វើកោសល្យវិច្ច័យសាកសព រកឃើញថា ជនរងគ្រោះបានរងរបួសដោយគ្រាប់កាំភ្លើងចំនួន២គ្រាប់ ចំខ្នង និងស្លាប់ដោយសាររបួសសិរីរាង្គ និងបាត់បង់ឈាម។
ពាក់ព័ន្ឋករណីនេះ មន្ត្រីប៉ូលីស Garrett Rolfe ដែលជាអ្នកបាញ់ជនជាតិស្បែកខ្មៅខាងលើ ត្រូវបានបណ្តេញចេញពីមុខតំណែង៕