មន្ត្រីជំនាញនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានអំពាវនាវដល់ប្រជាពលរដ្ឋ ផ្អាកទទួលទានស្រាថ្នាំចិនសែ «តាំង គួយ» ជាពិសេសសូមកុំប្រើប្រាស់ ឬទទួលទានស្រា ឬផលិតផលណាដែលពុំមានស្លាកសញ្ញាច្បាស់លាស់។
ការអំពាវនេះធ្វើឡើងបន្ទាប់ពី ក.ប.ប រកឃើញកម្រិតមេតាណុលខ្ពស់ នៅក្នុងស្រាថ្នាំចិនសែ តាំង គួយ ដោយបណ្តាលឲ្យមានមនុស្សស្លាប់ និងសង្គ្រោះបន្ទាន់ជាច្រើននាក់ នៅខេត្តបន្ទាយមានជ័យ។
យោងតាមរបាយការណ៍បណ្តោះអាសន្ន នៃប្រតិបត្តិការទូទាំងប្រទេស មន្ត្រីក.ប.ប បានរឹបអូសស្រាថ្នាំចិនសែយីហោ «តាំង គួយ» ចំនួន១៣,៩៨៩ ដប ស្មើនឹង៦,៩៩៤.៥០លីត្រ៕
