ការធ្វើពាណិជ្ជកម្មទ្វេភាគីរវាងប្រទេសកម្ពុជា និងអាមេរិកនៅក្នុងរយៈពេល ៤ ខែដើមឆ្នាំ ២០២០ បានកើនឡើងជិត ៣០ ភាគរយបើធៀបទៅនឹងរយៈពេលដូចគ្នាកាលពីឆ្នាំ ២០១៩។ នេះបើយោងតាមទិន្នន័យពីការិយាល័យពាណិជ្ជកម្មអាមេរិក។
ទិន្នន័យពីការិយាល័យពាណិជ្ជកម្មអាមេរិកដែលចេញផ្សាយកាលពីចុងសប្តាហ៍មុនបង្ហាញថា ក្នុងរយៈពេល ៤ ខែដើមឆ្នាំ ២០២០ ទំហំពាណិជ្ជកម្មរវាងប្រទេសទាំង ២ មានតម្លៃសរុប ២ ១៣២,៤ លានដុល្លារ កើន ២៩,៣១ ភាគរយធៀបនឹងរយៈពេលដូចគ្នាឆ្នាំ ២០១៩ ដែលមានតម្លៃត្រឹមតែ ១ ៦៤៨ លានដុល្លារ៕