យោងតាមកាសែត MSN នៅព្រឹកថ្ងៃទី០៥ ខែមិថុនា ឆ្នាំ២០២០ នេះ បានចេញផ្សាយថា ប្រធានាធិបតីអាមេរិក លោក ដូណាល់ ត្រាំ នឹងហាមឃាត់មិនឱ្យយន្ដហោះមកពីប្រទេសចិន ចូលក្នុងទឹកដីអាមេរិកឡើយ ដោយបទបញ្ជានេះ នឹងត្រូវអនុវត្តចាប់ពីថ្ងៃទី១៦ ខែមិថុនា តទៅ។
ការដាក់បំរាមនេះ គឺបន្ទាប់ពីមានករណីរាតត្បាតកូវីដ១៩ នៅក្នុងប្រទេសចិន និងហុងកុង។
សូមជម្រាបថា សហរដ្ឋអាមេរិក ក៏បានរឹតបណ្តឹងជើងហោះហើរពីប្រទេសចិន ចាប់តាំងពីចុងខែមករា មកម្ល៉េះ ដោយហេតុផលព្រួយបារម្ភ ពីការនាំចូលករណីវីរុសកូវីដ១៩៕
