ក្រោយផ្ទុះព័ត៌មានមួយដ៏គួរឲ្យសោកស្តាយ នៅប្រទេសឥណ្ឌា នឹងបានចែកចាយពេញក្នុងបណ្តាញសង្គមហ្វេសបុក ពាក់ព័ន្ឋករណីមេសត្វដំរីមួយក្បាល រួមទាំងកូនក្នុងផ្ទៃ បានស្លាប់ ក្រោយស៊ីផ្លែម្នាស់មួយផ្លែ ដែលញាត់ផាវរំសេវ ទៅក្នុងនោះ។
ព័ត៌មាននេះ បានក្លាយជាប្រធានបទក្តៅ នឹងមានមហាជនជាច្រើន ដែលនិយមប្រើប្រាស់បណ្តាញសង្គមហ្វេសបុក ចូលរួមសោកស្តាយ និងថ្កោលទោសដល់ជនប្រព្រឹត្តបទល្មើសនេះ ព្រមទាំងទាមទាររកយុត្តិធម៌ជូនសត្វដំរី ទាំង២ក្បាលខាងលើ។
អង្កការការពារសត្វព្រៃពិភពលោក (The World Animal Protection) បានចេញសេចក្តីប្រតិកម្ម និងសរសេរលិខិតផ្ញើជូនរដ្ឋមន្ត្រីក្រសួងបរិស្ថានប្រទេសឥណ្ឌា រួមទាំងអភិបាលក្រុង Kerala ថា នឹងប្តេជ្ញាទាមទាររកយុត្តិធម៌ជូនសត្វដំរីទាំង២ ព្រមទាំងប្រឆាំងដាច់ខាតចំពោះអំពើដ៏ឃោឃៅ មួយនេះ។ ជាពិសេសនឹងស្នើដល់អាជ្ញាធរប្រទេសឥណ្ឌា ស្វែងរកជនបង្កយកមកផ្តទ្ទាទោសឲ្យខានតែបាន។
សូមជម្រាបផងដែរថា សត្វដំរី គឺជានិមិត្តសញ្ញានៃប្រទេសឥណ្ឌា នឹងទទួលបានការគោរពជាខ្លាំង នៅក្នុងសាសនារបស់ប្រជាជនឥណ្ឌា។ ចំពោះសត្វដំរីញី នឹងត្រូវចំណាយវេលាដើម្បីពពោះ ក្នុងរង្វង់៦៤០ ទៅ៦៦០ថ្ងៃ ឬ៩៥សប្តាហ៍៕
កែសម្រួលដោយ៖ ហ្សា
