អ្នកនាំពាក្យវិមានក្រឹមឡាំងរុស្សី លោក Dmitry Peskov បានថ្លែងថា រុស្សីមិនពាក់ព័ន្ឋរឿងបាតុកម្មដែលកំពុងកើតមាននៅសហរដ្ឋអាមេរិក នោះឡើយ រឿងទាំងនោះគឺជាកិច្ចការផ្ទៃក្នុងរបស់សហរដ្ឋអាមេរិក។
លោក Peskov បានថ្លែងប្រាប់អ្នកសារព័ត៌មាន កាលពីម្សិលមិញថា អ្វីគ្រប់យ៉ាងកំពុងកើតឡើងនៅទីនោះ គឺជាកិច្ចការផ្ទៃក្នុងរបស់ប្រទេសគេ។ រុស្សីមិនដែលជ្រៀតជ្រែកកិច្ចការរបស់សហរដ្ឋអាមេរិក ហើយក៏មិនធ្វើរឿងទាំងអស់នេះដែរ។
ការថ្លែងបែបនេះធ្វើឡើងបន្ទាប់ពីរុស្សីបានរងការចោទប្រកាន់ពីលោកស្រី Susan Rice ដែលជាអតីតទីប្រឹក្សាសន្តិសុខជាតិរបស់ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា ថា បាតុកម្មដែលបង្កឡើងដោយការស្លាប់របស់បុរសជនជាតិអា មេរិកកាត់អាហ្វ្រិក George Floyd នៅទីក្រុង Minneapolis គឺកើតចេញពីបញ្ជីលេងរបស់រុស្ស៊ី។
លោក Peskov ក៏បានសង្កត់ធ្ងន់ថា ការស្មានណាមួយដូចអ្វីដែលអ្នកបានលើកឡើង គឺពិតជារឿងខុសយ៉ាងពិតប្រាកដ៕
ប្រភព៖ Tass
កែសម្រួលដោយ៖ ហ្សា
