ខេត្តបាត់ដំបង៖ អគ្គិភ័យមួយបានឆាបឆេះរោងចិញ្ចឹមជ្រូកមួយកន្លែងបណ្តាលអោយងាប់សត្វជ្រូកចំនួន ៣៣ក្បាល និងរបួសធ្ងន់០៥ក្បាល នៅវេលាម៉ោង៥ទៀបភ្លឺ ឈានចូលថ្ងៃទី១៥ ខែមិនា ឆ្នាំ២០២៣ នៅចំណុចក្រុម១៧ ស្ថិតក្នុងឃុំសំរោងក្នុង ស្រុកឯកភ្នំ ខេត្តបាត់ដំបង ។
រោងដែលត្រូវអគ្គីភ័យឆាបឆេះខាងលើមានទំហំ ៤០ម៉ែត្រ×២០ម៉ែត សង់អំពីឈើ ដំបូលប្រក់ស័ង្កសី (ឆេះអស់ទាំងស្រុង)និងងាប់សត្វជ្រូកចំនួន ៣៣ក្បាល របួសធ្ងន់៥ក្បាល ក្នុងចំណោមជ្រូក៧០ក្បាល ដែលមានម្ចាស់ឈ្មោះអៀង អេង ភេទប្រុស អាយុ៧០ឆ្នាំ រស់នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។
សមត្ថកិច្ចបានអោយដឹងថា ករណីគ្រោះអគ្គីភ័យខាងលើនេះដែរមូលហេតុដែលបង្ករអោយឆេះឡើងនេះគឺបណ្តាលមកពីផ្ទុះសេខ្សែភ្លើង។
