ខេត្តបាត់ដំបង៖ ជនសង្ស័យចំនួន០៣នាក់ត្រូវបានកម្លាំងក្រុមអន្តរាគមន៍បង្ការបង្ក្រាបដែលដឹកនាំដោយលោក វរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលក្រុងបាត់ដំបងដែលដឹកនាំដោយ លោកវរសេនីយ៍ឯក ពេជ្រ សារ៉ែន ដែលជាអធិការ ក្រោមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានចុះប្រតិបត្តិការបង្ក្រាបករណីលួចមានស្ថានទម្ងន់ទោស ( គាស់ទ្វារផ្ទះលួចយកទ្រព្យសម្បត្តិ )។
លោក វរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានអោយដឹងថា កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១៦និង២០នាទី ថ្ងៃទី ៣១ ខែធ្នូ ឆ្នាំ២០២២ នៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង និងបានធ្វេីការនាំខ្លួនជនសង្ស័យ០១នាក់ ឈ្មោះ មឿន ចាន់ថន ភេទប្រុស អអាយុ ៣៤ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង។
ក្រោយបានធ្វេីការឃាត់ខ្លួនសាកសួររួចកម្លាំងយេីងបានធ្វេីការស្រាវជ្រាវរហូតឈានដល់ធ្វេីការឃាត់ខ្លួនជនសង្ស័យ បានចំនួន ០២នាក់ទៀតនៅថ្ងៃទី០១ ខែមករា ឆ្នាំ២០២២ វេលាម៉ោង ១១និង៤០នាទី នៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ដែលជនសង្ស័យទី១-ឈ្មោះ ភិន ថាវី ភេទប្រុស អាយុ ៣៦ឆ្នាំ និងទី២- ឈ្មោះ តូច សុភាសិត ហៅ ពៅ ភេទប្រុស អាយុ ៣៨ ឆ្ឆ្នាំ ទាំងពីរនាក់មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង និងវត្ថុតាងដកហូតរួមមាន ៖
- ទ្វារឈេី ០៥ សន្លឹក
- ក្តារឈេី ចំនួន០២សន្លឹក
- ឈេីគ្រែប្រអប់ ចំនួន០២សន្លឹក
- ឈេី ០៤ដុំ
- ម៉ូតូ ០១ គ្រឿង ម៉ាកស៊ូស៊ូគីវីវ៉ា ពណ៌ ក្រហម ស៊េរីចាស់គ្មានលស្លាកលេខ។
គួរបញ្ជាក់ថា កាលពីថ្ងៃទី ៣០ ខែធ្នូ ឆ្នាំ ២០២២ វេលាម៉ោង ០០និង០២នាទី នៅចំណុចភូមិដង្កោទាប សង្កាត់ទួលតាឯក ក្រុងបាត់ដំបង ជនសង្ស័យខាងលើ រួមជាមួយបក្សពួក ចំនួន០២នាក់ទៀតដែលកំពុងរត់គេចខ្លួន បានធ្វេីសកម្មភាពផ្លោះរបងចូលគាស់ផ្ទះ លួចយកទ្រព្យសម្បត្តិរបស់ ជនរងគ្រោះឈ្មោះ ឆេង គឹមលាង ភេទស្រី អាយុ ៤៥ឆ្នាំ មានទីលំនៅភូមិកំពង់ក្របី សង្កាត់ស្វាយប៉ៅ ក្រុងបាត់ដំបង ដែលសម្ភារៈបាត់បង់រួមមាន ៖
- ទ្វារឈេី ចំនួន ០៥ សន្លឹក
- គ្រែ ឈេី ចំនួន ០១
- ឈេីធ្នង់ ចំនួន ០៨ ដុំ
- ទ្វារដែក ចំនួន ០៤
- ទ្រុងដែក ចំនួន ០១
- ជេីងម៉ាស៊ីនដេរ ចំនួន ០១
- គម្របម៉ាស៊ីន ត្រាក់ទ័រចំនួន ០១
ក្រោយពីឃាត់ខ្លួនជនសង្ស័យខាលើរហូតមកដល់ពេលនេះត្រូវការិយាល័យជំនាញកំពុងធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។