(ត្បូងឃ្មុំ)៖នៅព្រឹកថ្ងៃអង្គារ ១១ កើត ខែភទ្របទ ឆ្នាំខាលចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៦ ខែកញ្ញា ឆ្នាំ២០២២ ឯកឧត្ដមបណ្ឌិត ជាម ច័ន្ទសោភ័ណអភិបាលខេត្តត្បូងឃ្មុំ បានដឹកនាំប្រតិភូខេត្តត្បូឃ្មុំ ចូលរួមពិធីអបអរសាទរខួបអនុស្សាវរីយ៍លើកទី៥៥នៃថ្ងៃបង្កើតចំណងទំនាក់ទំនង ការទូវៀតណាម-កម្ពុជានៅខេត្តតៃនិញ ប្រទេសវៀណាម។
ក្នុងឱកាសដ៏រីករាយនេះ ក្នុងនាមរដ្ឋបាលខេត្តត្បូងឃ្មុំ បានសម្តែងនូវមនោសញ្ចេតនា ពោរពេញដោយក្តីមោទនភាពជាតិ ចំពោះជោគជ័យដ៏ធំធេងលើគ្រប់វិស័យដែលសម្រេចបានក្នុងរយៈពេល ៥៥ឆ្នាំកន្លងមកនេះ តាមរយៈការកើតចេញពីទំនាក់ទំនងការទូតវៀតណាម-កម្ពុជា (២៤.០៦.១៩៦៧-២៤.០៦.២០២២)» ពិសេស ទំទាក់ទំនងយ៉ាងជិតស្និទ្ធនិងកិច្ចសហប្រតិបត្តិការដ៏រឹងមាំ រវាងអាជ្ញាធរខេត្តត្បូងឃ្មុំនៃព្រះរាជាណាចក្រកម្ពុជា ជាមួយនឹងអាជ្ញាធរខេត្តតៃនិញ និងខេត្តប៊ិញភឿក នៃសាធារណរដ្ឋសង្គមនិយម វៀតណាម មានភាពល្អប្រសើ។
តាមរយៈវត្ថុតាំងបង្ហាញ ទីតាំងពិព័រណ៍បង្ហាញប្រជាជនកម្ពុជានិងមិត្តអន្តរជាតិអំពីវៀតណាមដែលជាប្រទេសមានវប្បធម៌ ដ៏សម្បូរបែប ការអភិវឌ្ឍន៍ដ៏សកម្ម សក្តានុពលវប្បធម៌និងកីឡា ទីកន្លែងសម្រាប់វិនិយោគ និងការផ្សារភ្ជាប់បេតិក ភណ្ឌជាមួយ ការអភិវឌ្ឍន៍មនុស្សសម្រាប់គោលដៅនៃការអភិវឌ្ឍន៍ប្រកបដោយចីរភាព។
ការតាំអពិព័រណ៍នេះបានដើរតួនាទីយ៉ាងសំខាន់សម្រាប់ភាពជោគជ័យនៃសកម្មភាពវប្បធម៌និងសិល្បៈនានាសម្រាប់អបអរ សាទរឆ្នាំ មិត្តភាពកម្ពុជា-វៀតណាម វៀតណាម-កម្ពុជា ២០២២ ដែលរួមចំណែកបន្តផ្សព្វផ្សាយ និងការអភិវឌ្ឍន៍ទំនាក់ទំនងក្នុង ស្មារតី “ភាពជាអ្នកជិតខាងល្អមិត្តភាពជាប្រពៃណីកិច្ចសហប្រតិបត្តិការគ្រប់ជ្រុងជ្រោយនិងរឹងមាំស្ថិតស្ថេរ យូរអង្វែង” រវាងវៀតណាមនិងកម្ពុជា៕
