ខេត្តបាត់ដំបង៖ បុរសម្នាក់ព្រោះតែមានវិបត្តិក្នុងគ្រួសារបានសម្រេចចិត្តយកខ្សែគោចងកជាប់ទៅនឹងមេជញ្ជាំងបន្ទប់បណ្ដាលឲ្យស្លាប់យ៉ាងអាណោចអាធ័ម។
ហេតុការណ៍ធ្វើអត្តឃាតដោយចងកសម្លាប់ខ្លួនឯងខាងលើនេះបានកើតឡើងនៅវេលាម៉ោង ១៤និង៣០នាទី ថ្ងៃទី ០៤ ខែកញ្ញា ឆ្នាំ២០២២ នៅចំណុចគ្រឹះខ្លុង ស្ថិតក្នុងភូមិដង្គត់ ឃុំស្ដៅ ស្រុករតនមណ្ឌល ខេត្តបាត់ដំបង ។
សពជនរងគ្រោះឈ្មោះ ម៉ែន វង ភេទប្រុស អាយុ២៧ឆ្នាំ មកស្នាក់នៅធ្វើចំការស្ថិតក្នុងភូមិដង្គត់ ឃុំស្ដៅ ស្រុករតនមណ្ឌលខេត្តបាត់ដំបង ហើយសពក្រោយកើតហេតុសមត្ថកិច្ចជំនាញបានចុះទៅធ្វើកោសល្យវិច័យនិងកំណត់ហេតុរួចបានប្រគល់អោយខាងសាច់ញាតិយករៀបចំធ្វើបុណ្យតាមប្រពៃណី។
